________________
पएसि-कहाणगं
केयइ-अद्ध-पदं
६६८. गोयमाति ! समणे भगवं महावीरे भगवं गोयमं आमंतेत्ता एवं वयासी-एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे केयइ'-अद्धे नाम जणवए होत्था-रिद्ध-स्थिमियसमिद्धे पासादीए 'दरिसणिज्जे अभिरूवे पडिरूवे ॥ सेयविया-पदं
६६६. तत्थ णं केइय-अद्धे जणवए सेयविया णाम नगरी होत्था--रिद्ध-स्थिमियसमिद्धा जाव पडिरूवा ।। मिगवण-पदं
६७०. तीसे णं सेयवियाए नगरीए बहिया उत्तरपुरस्थिमे दिसीभागे, एत्थ णं मिगवणे णामं उज्जाणे होत्था-रम्मे नंदणवणप्पगासे सव्वोउय-पुप्फ -फलसमिद्धे सुभसुरभिसीयलाए छायाए सव्वओ चेव समणुबद्धे पासादीए 'दरिसणिज्जे अभिरूवे पडिरूवे ।। पएसि-पदं
६७१. तत्थ णं सेयवियाए णगरीए पएसी णामं राया होत्था-महयाहिमवंत-महंतमलय-मंदर-महिंदसारे अच्चंतविसुद्ध-दीहरायकुल-वंससुप्पसूए णिरंतरं रायलक्खण-विराइयंगमंगे बहुजणबहुमाणपूइए सव्वगुणसमिद्धे खत्तिए मुइए मुद्धाहिसित्ते माउपिउसुजाए दयपत्ते सीमंकरे सीमंधरे खेमंकरे खेमंधरे मणुस्सिदे जणवयपिया जणवयपाले जणवयपुरोहिए सेउकरे केउकरे नरपवरे पुरिसवरे पुरिससीहे पुरिसवग्घे पुरिसासीविसे पुरिसपुंडरीए पुरिसवरगंधहत्थी अड्ढे दित्ते वित्ते विच्छिन्न-विउल-भवण-सयणासण-जाण-वाहणाइण्णे बहुधणबहुजायरूवरयए आओगपओगसंपउत्ते विच्छड्डिय-पउरभत्तपाणे बहुदासी-दास-गो-महिसगवेलगप्पभूए पडिपुण्ण-जंत-कोस-कोट्ठागाराउधागारे वलवं दुब्वलपच्चामित्ते--ओहयकंटयं नियकंटयं मलियकंटयं उद्धियकंटयं अकंटयं ओहयसत्तुं नियसतुं मलियसत्तुं उद्धियसत्तुं १. केकइ (छ)।
५. ओ० सू० १। २. रिद्धि (क, ख, ग, घ, च, छ) ।
६. ४ (क, ख, ग, घ, च, छ)। ३. सं० पा०-पासादीए जाव पडिरूवे ।
७. सं० पा०-पासादीए जाव पडिरूवे । ४. केयगइ (छ)।
८. सं० पा०...-महयाहिमवंत जाव विहरइ ।
१६२
Jain Education International
For Private & Personal Use Only
www.jainelibrary.org
