________________
१३४
रायपसैणय
जिण-सकहाओ संनिखित्ताओ चिठ्ठति । ताओ णं सूरियाभरस देवस्स अन्नेसिं च बहणं देवाण य देवीण य अच्चणिज्जाओ' 'वंदणिज्जाओ पूय णिज्जाओ माणणिज्जाओ सक्कारणिज्जाओ कल्लाणं मंगलं देवयं चेइयं पज्जुवासणिज्जाओ। ० मंगलग-पदं
२४१. माणवगस्स चेइयखंभस्स उवरिं अट्ठ मंगलगा झया छत्ताइच्छत्ता ।। ० मणिपेढिया-पदं
२४२. तस्स माणवगस्स चेइयखंभस्स पुरथिमेणं, एत्थ णं महेगा मणिपेढिया पण्णत्ता-अट्ठ जोयणाई आयामविक्खंभेणं, चत्तारि जोयणाई बाहल्लेणं, सव्वमणिमई अच्छा जाव पडिरूवा॥ ० सीहासण-पदं
२४३. तीसे णं मणिपेढियाए उरि, एत्थ णं महेगे सीहासणे पण्णत्ते-सीहासणवण्णतो सपरिवारो॥ • मणिपेढिया-पदं
२४४. तस्स ण माणवगस्स चेइयखंभस्स पच्चत्थि मेणं, एत्थ ण महेगा मणिपेढिया पण्णत्ता--अट्ट जोयणाई आयाम विक्खं भेणं, चत्तारि जोयणाई वाहल्लेणं, सव्वमणिमई अच्छा जाव पडिरूवा।। ० देवसयणिज्ज-पदं
२४५. तीसे णं मणिपेढियाए उवरि, एत्थ णं महेगे देवसय णिज्जे पण्णत्ते । तस्स णं देवसयणिज्जस्स इमेयारूवे वण्णावासे पण्णत्ते, तं जहाणाणामणिमया पडिपाया, सोवण्णिया पाया, णाणामणिमयाइं पायसीसगाई, जंबूणयामयाइं गत्तगाई, 'वइरामया संधी", णाणामणिमए वेच्चे, रययामई तुली, 'लोहियक्ख मया बिब्बोयणा, तवणिज्जमया गंडोवहाणया" से णं देवसयणिज्जे 'सालिंगणवट्टिए उभओविब्बोयणे" दुहओ उण्णते मज्झे णयगंभीरे गंगापुलिणवालुया" उद्दालसालिसए सुविरइयरयत्ताणे ओयवियखोमदुगुल्लपट्टपडिच्छयणे रत्तंसुयसंवए सुरम्मे आईणग-रूय-बूर-णवणीय-तुलफासे पासादीए दरिसणिज्जे अभिरूवे पडिरूवे ॥ ० मणिपेढिया-पदं
२४६. तस्स णं देवसयणिज्जस्स उत्तरपुरथिमेणं महेगा मणिपेढिया पण्णत्ता--अट्ट जोयणाई आयामविक्खंभेणं, चत्तारि जोयणाई बाहल्लेणं, सव्वमणिमई अच्छा जाव पडिरूवा ॥ १. सं० पा०-अच्चणिज्जाओ जाव पज्जुवासणि- ५. x (क, ख, ग, घ, च, छ)। ज्जाओ।
६. णयगंभीरे सालिंगणवट्टीए (क, ख, ग, घ, २. राय० सू० ३७-४४। ३. ४ (क, ख, ग, घ, च, छ) ।
७. “बाल (क, ख, ग, घ, च); वालुए (छ) । ४. तवणिज्जमया गंडोवहाणया लोहियक्खमया ८. अत्र वृत्तौ प्रतिच्छदनं' विद्यते, किन्तु ३७ सूत्रे (मई) बिब्बोयणा (क, ख, ग, घ, च, छ)। 'प्रतिच्छादनम्' अस्ति ।
Jain Education International
For Private & Personal Use Only
www.jainelibrary.org
