Page Text
________________
सूरियामो
णागदंतएसु किण्हसुत्तबद्धा बग्धारियमल्लदामकलावा' चिट्ठति ॥ ० गोमाणसिया-पदं
२३६. सभाए णं सुहम्माए अडयालीसं गोमाणसियासाहस्सीओ पण्णत्ताओ, तं जहा"पुरस्थिमेण सोलससाहस्सीओ, पच्चत्थिमेणं सोलससाहस्सीओ, दाहिणणं अटुसाहस्सीओ, उत्तरेणं अट्ठसाहस्सीओ। तासु णं गोमाणसियासु बहवे सुवण्णरुप्पामया फलगा पण्णत्ता। तेसु णं सुवण्णरुप्पामएसु फलगेसु वहवे वइरामया नागदंतया पण्णत्ता । तेसु णं वइरामएसु णागदंतएसु बहवे रययामया सिक्कगा पण्णत्ता । तेसु णं रययामएसु सिक्कगेसु वहवे वेरुलियामइओ धूवघडियाओ पण्णताओ। ताओ णं धूवघडियाओ कालागरु-पवर' 'कंदुरुक्क-तुरुक्क-धूवमघमघेतगंधुद्धयाभिरामाओ सुगंधवरगंधियाओ गंधवटिभ्याओ ओरालेणं मणुण्णणं मणहरेणं घाणमणणिबुतिकरेणं गंधेणं ते पदेसे सव्वओ समंता आपूरेमाणा-आपूरेमाणा सिरीए अतीव-अतीव उवसोभेमाणा-उवसोभेमाणा' चिट्ठति ।। • भूमिभाग-पदं
२३७. सभाए णं सुहम्माए अंतो बहुसमरमणिज्जे भूमिभागे घण्णत्ते जाव' मणीहिं उवसोभिए मणिफासो य उल्लोओ य ।। ० मणिपेढिया-पदं
२३८. तस्स णं बहुसमरमाणिज्जस्स भूमिभागस्स बहुमज्झदेसभाए, एत्थ णं महेगा मणिपेढिया पण्णत्ता-सोलस जोयणाई आयामविक्खंभेणं, अट्ठ जोयणाई बाहल्लेणं, सन्वमणिमई अच्छा जाव पडिरूवा ।। ० चेइय-खंभ-पद
२३६. तीसे णं मणिपेढियाए उरि, एत्थ णं माणवए चेइयखंभे पण्णत्ते--सट्टि जोयणाई उड्ढे उच्चत्तेणं, जोयणं उव्वेहेणं, जोयणं विक्खंभेणं, 'अडयालीससिए अडयालीसइकोडीए अडयालीसइविग्गहिए" सेसं जहा महिंदज्झयस्स ।। • जिण-सकहा-पदं
२४०. माणवगस्स णं चेइयखंभस्स उरि बारस जोयणाई ओगाहेत्ता, हेद्वावि बारस जोयणाई वज्जेता, मज्झे छत्तीसाए" जोयणेसु, एत्थ णं वहवे सुवण्णरुप्पामया फलगा पण्णत्ता । तेसु णं सुवण्णरुप्पामएसु फलएसु बहवे वइरामया णागदंता पण्णत्ता। तेसु णं वइरामएसु नागदंतेसु बहवे रययामया सिक्कगा पण्णत्ता। तेसु णं रययामएसु सिक्कएसु वहवे वइरामया गोलवट्टसमुग्गया पण्णत्ता । तेसु णं वयरामएसु गोलवट्टसमुग्गएसु बहुयाओं १. अत्र समर्पणसूचकः संकेत: केनापि कारणेन अडयालीसं सइविग्गहे (क, ख, ग, घ, च,
त्रुटितोस्ति । १३२ सूत्रमिह प्राप्तमस्ति । छ)। द्रष्टव्यं जीवाजीवभिगमस्य ३३६७ सूत्रम् । ६. राय० सू० २३१, २३२ । २. सं० पा.---जहा मगोगुलिया जाव णागदंतया। ७. बत्तीसाए (क, ख, ग); छव्वीसाए (च); ३. सं० पा०-कालागरुपवर जाव चिट्ठति । तीसाए (छ)। ४. राय० सू० २४-३४।
८. बहवे (क, ख, ग, घ, च,छ) । ५. अडयालीसं असीइए अडयालीसं सइकोडिए
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |