Page Text
________________
११६
रायपसेणइयं
१४२. "तेसि णं तोरणाणं पुरओ दो दो हयपतीओ ।। १४३. तेसि णं तोरणाणं पुरओ दो दो हयवीहीओ। १४४. तेसि णं तोरणाणं पुरओ दो दो हयमिहणाई ।।
१४५. तेसि गं तोरणाणं पुरओ दो दो पउमलयाओ' 'दो दो नागलयाओ दो दो असोगलयाओ दो दो चंपगलयाओ दो दो चुयलयाओ दो दो वणलयाओ दो दो वासंतियलयाओ दो दो अइमुत्तयलयाओ दो दो कुंदलयाओ दो दो सामल याओ णिच्चं कुसुमियाओ' 'णिच्चं माइयाओ णिच्चं लवइयाओ णिच्चं थवइयाओ णिच्चं गुलइयाओ णिचं गोच्छियाओ णिच्चं जमलियाओ णिच्च जुवलियाओ णिच्चं विणमियाओ णिच्चं पणमियाओ [णिच्चं सुविभत्त-पिंडि-मंजरि-वडेंसगधरीओ ?] णिच्चं कुसुमिय-माइय-लवइय-थवइयगुलइय-गोच्छिय-जमलिय-जुवलिय-विणमिय-पणमिय-सुविभत्त-पिडि-मंजरि-वडेंसगधरीओ 'सव्वरयणामईओ अच्छाओ" 'सण्हाओ लण्हाओ घटाओ मट्ठाओ णीरयाओ निम्मलाओ निप्पंकाओ निक्कंकडच्छायाओ सप्पभाओ समरीइयाओ सउज्जोयाओ पासादीयाओ दरिसणिज्जाओ अभिरूवाओ पडिरूवाओ।
१४६. तेसि णं तोरणाणं पुरओ दो दो दिसासोवत्थिया' पण्णत्ता-सव्वरयणामया अच्छा पडिरूवा ।।
१४७. तेसि णं तोरणाणं पुरओ दो दो वंदणकलसा पण्णत्ता। ते णं वंदणकलसा वरकमलपइट्ठाणा' 'सुरभिवरवारिपडिपुण्णा चंदणकयचच्चागा आविद्धकंठेगुणा पउमुप्पलपिधाणा सव्वरयणामया अच्छा जाव पडिरूवा मह्या-मया महिंदकुंभसमाणा पण्णत्ता समणाउसो° ! ॥
१४८. तेसि णं तोरणाणं पुरओ दो दो भिंगारा पण्णत्ता । ते णं भिंगारा वरकमलपइट्ठाणा' 'सुरभिवरवारिपडिपुण्णा चंदणकयचच्चागा आविद्धकंठेगुणा पउमुप्पलपिधाणा सव्वरयणामया अच्छा जाव पडिरूवा महया मत्तगयमहामुहाकतिसमाणा" पण्णत्ता समणाउसो ! ॥
१४६. तेसि णं तोरणाणं पुरओ दो दो आयंसा पण्णत्ता । तेसि णं आयंसाणं इमेयारूवे वण्णावासे पण्णत्ते, तं जहा-तवणिज्जमया पगंठगा," अंकामया मंडला 'अणुग्धसितनिम्म१. सं० पा०–एवं पंतीओ वीही मिहुणाई;. ६. सं० पा०--वरकमलपइट्टाणा जाव महया ।
वीहीतो पंतीतो (क, ख, ग, घ, च, छ)। १०. मत्तगयमुहाकतिौं (क, ख, ग, घ, च, छ); २. राय० सू० १४१ ।
मत्तगयमहामुहागिइ (वृ)1 ३. सं० पा० ....पउमलयाओ जाव सामलयाओ। ११. अतः परं प्रयुक्तादर्शषु एतादृशः पाठो ४. सं० पा०-कुसुमियाओ सव्वरयणामईओ। लभ्यते-वेरुलियमया सुरया वइरामया ५. "मय अच्छा (व); सं.पा.-अच्छाभो जाव दोवारंगा नानामणिया मंडला' एष वृत्ती पडिरूवाओ।
नास्ति व्याख्यातः । जीवाजीवाभिगमादशेष ६. अक्खयसोवस्थिया (क, ख, ग, घ, च, छ) । (३।३२२) एष पाठः किञ्चिद्भेदेनोप७. जाम्बूनदमया (वृपा)।
लभ्यते-वेरुलियमया छरूहा वइरामया वरंगा ८. सं० पा०-वरकमलपइट्ठाणा तहेव ।
णाणामणिमया बलक्खा अंकमया मंडला । तस्य
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |