Page Text
________________
२६
ओवाइयं
आउत्तं सबिदियकायजोगजंजणया । से तं पसत्थकायविणए । से तं कायविगए।
से किं तं लोगोवयारविणए ? लोगोवयारविणए सत्तविहे पण्णत्ते, तं जहा-अब्भासवत्तियं परच्छंदाणवत्तियं कज्जहेउं कयपडिकिरिया' अत्तगवेसणया देसकालण्णुया सव्वत्थेसु अप्पडिलोमया । से तं लोगोवयारविणए । से तं विणए ।
४१. से किं तं वेयावच्चे ? वेयावच्चे दसविहे पण्णत्ते तं जहा-आयरियवेयावच्चे उवज्झायवेयावच्चे सेहवेयावच्चे गिलाणवेयावच्चे तवस्सिवेयावच्चे थेरवेयावच्चे साहम्मियवेयावच्चे कुलवेयावच्चे गणवेयावच्चे संघवेयावच्चे । से तं वेयावच्चे ।।
४२. से किं तं सज्झाए ? सज्झाए पंचविहे पण्णत्ते, तं जहा-बायणा पडिपुच्छणा' परियट्टणा अणुप्पेहा धम्मकहा । से तं सज्झाए ।।
४३. से कि तं झाणे ? झाणे चउन्विहे पण्णत्ते, तं जहा-अट्टे झागे रुद्दे झाणे धम्मे झाणे सुक्के झाणे ॥
अट्टे झाणे चउविहे पण्णत्ते, तं जहा--अमणुग्ण-संपओग-संपउत्ते तस्स विप्पओगसतिसमण्णागए यावि भवइ, मणुण्ण-संपओग-संपउत्ते तस्स अविप्पओग-सतिसमण्णागए यावि भवइ, आयंक-संपओग-संपउत्ते तस्स विप्पओग-सतिसमण्णागए यावि भवइ, परिजुसिय-कामभोग-संपओग-संपउत्ते तस्स अविप्पओग-सतिसमण्णागए यावि भवइ।
अट्टस्स गं झाणस्स चत्तारि लक्खणा पण्णता, तं जहा-कंदणया सोयणया तिप्पणया विलवणया। ___ रुद्दे झाणे चउब्विहे पण्णत्ते, तं जहा–हिंसाणु बंधी मोसाणुबंधी तेणाणुबंधी' सारक्खणाणुबंधी।
रुहस्स णं झाणस्स चत्तारि लक्खणा पण्णत्ता, तं जहा-ओसण्णदोसे बहुदोसे' अण्णाणदोसे आमरणंतदोसे ।
धम्मे झाणे चउविहे चउप्पडोयारे पण्णत्ते, तं जहा-आणाविजए अवायविजए विवागविजए' संठाणविजए ।
धम्मस्स णं झाणस्स चत्तारि लक्खणा पण्णत्ता, तं जहा-आणारुई णिसग्गरुई 'उवएसरुई सुत्तरुई।
१. कयपडिकइया (ठाणं ७।१३७, भ० २५!
५९७)। २. स्थानाङ्गे (१०.१७) भगवत्यां (२१५६८)
च पदानां क्रमभेदो विद्यते । ३. पुच्छणा (क)। ४. परिदेवणता (ठाणं ४१६२); परिदेवणया
(भ० २५१६०२) । ५. तेथाणुबंधी (भ० २५६६०३) ! ६. बहुलदोसे (भ० २५॥६०४); भगवतीवृत्तौ
(पत्र ९३६) 'बहुदोसे' इति पाठो व्याख्यातोस्ति-'बहुदोसे' त्ति बहुष्वपि सर्वेष्वपि । ७. विवादविजए (ग)। ८. सुत्तरुई ओगाहरुई (ठाणं ४।६६); सुत्तस्यी
ओगाढस्यी (भ० २५४६०६); स्थानाङ्गे भगवत्यां च 'उवएसरुई' पदस्य स्थाने 'ओगाढरुई' इति पदं लभ्यते। उत्तराध्ययने (२८1१६) स्थानाङ्गस्य दशमे (१०४) स्थाने 'उवएसरुई' इत्येव लभ्यते । भगवत्यां
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |