Agam 12 Upang 01 Aupapatik Sutra Ovaiyam Terapanth

SR No.: 003568
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 412
Language: Prakrit
Classification: Book_Devnagari, Agam, Canon, & agam_aupapatik
File Size: 8 MB

Page 108

समोसरण-पयरणं
३५
अब्भुठेइ, अब्भुठेत्ता पायपीढाओ पच्चोरुहइ, पच्चोरुहित्ता पाउयाओ ओमुयइ, ओमुइत्ता एगसाडियं उत्तरासंगं करेइ, करेत्ता आयंते चोक्खे परमसुइभूए अंजलि-मउलियहत्थे तित्थगराभिमुहे सत्तठ्ठपयाइं अणुगच्छइ, अणुगच्छित्ता वामं जाणुं अंचेइ, अंचेत्ता दाहिणं जाणुं धरणितलंसि साहटु तिक्खुत्तो मुद्धाणं धरणितलंसि निवेसेइ, निवेसेत्ता ईसि पच्चण्णमइ, पच्चुण्णमित्ता कडग-तुडिय-थंभियाओ भुयाओ पडिसाहरइ, पडिसाहरिता करयलपरिग्गहियं सिरसावत्तं मत्थए अंजलि कटु एवं वयासी-णमोत्थुणं अरहताणं भगवंताणं आइगराणं तित्थगराणं सहसंबुद्धाणं पुरिसोत्तमाणं पुरिससीहाणं पुरिसवरपुंडरीयाणं पुरिसवरगंधहत्थीणं अभयदयाणं चक्खुदयाणं मग्गदयाणं सरणदयाणं जीवदयाण दीवो ताणं सरणं गई पइट्ठा धम्मवरचाउरंतचक्कवट्टीणं अप्पडिहयवरणाणदंसणधराणं वियदृछउमाणं जिणाणं जावयार्ण तिण्णाणं तारयाणं मुत्ताणं मोयगाणं बुद्धाणं वोहयाणं सव्वपूणं सब्वदरिसीएं सिवमयलमरुयमणंतमक्खयमव्वावाहमपुणरावत्तगं सिद्धिगइणामधेनं ठाणंसंपत्ताणं । णमोत्थु णं समणस्स भगवओ महावीरस्स आदिगरस्स तित्थगरस्स सहसंबुद्धस्स पुरिसोत्तमस्स पुरिससीहस्स पुरिसवरपुंडरीयस्स पुरिसवरगंधहत्थिस्स अभयदयस्स चक्खदयस्स मग्गदयस्स सरणदयस्स जीवदयस्स दीवो ताणं सरणं गई पइट्ठा धम्मवरचाउरतचक्कवट्टिस्स अप्पडिहयवरणाणदंसणधरस्स वियदृछउमस्स जिणस्स जाणयस्स तिण्णस्स तारयस्स मुत्तस्स मोयगस्स बुद्धस्स बोहयस्स सव्वण्णुस्स सव्वदरिसिस्स सिवमयलमरुयमणतमक्खयमव्वाबाहमपुणरावत्तगं सिद्धिगइणामधेज्ज ठाणं संपाविउकामस्स मम धम्मायरियस्स धम्मोवदेसगस्स । वंदामि णं भगवंतं तत्थगयं इहगए, पासइ मे भगवं तत्थगए इहगयं ति कटु वंदइ णमंसइ, वंदित्ता णमंसित्ता सीहासणवरगए पुरत्थाभिमुहे णिसीयइ, णिसीइत्ता तस्स पवित्ति-वाउयस्स अद्धतेरस-सयसहस्साई पीइदाणं दलयइ, दल इत्ता सक्कारेइ सम्माणेइ, सक्कारेत्ता सम्माणेत्ता पडिविसज्जेइ ।। बलवाउय-निद्देस-पदं
५५. तए णं से कूणिए राया भिभसारपुत्ते वलवाउयं आमंतेइ, आमंतेत्ता एवं वयासीखिप्पामेव भो देवाणु प्पिया! आभिसेक्कं हत्थिरयणं पडिकप्पेहि, हय-गय-रह-पवरजोहकलियं च चाउरंगिण सेणं सण्णाहेहि, सुभद्दापमुहाण' य देवीणं वाहिरियाए उवट्ठाणसालाए 'पाडियक्क-पाडियक्काई" जत्ताभिमुहाई जुत्ताई जाणाइं उवट्ठवेहि, चंपं णयरि सभितर-बाहिरियं 'आसित्त-सम्मज्जिओवलित्तं सिंघाडग-तिय-चउक्क-चच्चर-चउम्मुहमहापह-पहेसु आसित्त-सित्त-सुइ-सम्मट्ठ-रत्यंतरावण-वीहियं मंचाइमंचकलियं णाणा
१. अभिसेक्कं (ख)। २. सुभद्दपमुहाण (क)। ३. पाडेक्कं (व)! ४. जत्तागमणाई (वृ)। ५. क्वचिद् युग्यानि पठ्यन्ते (द)! ६. आसियसमज्जिउवलितं (क); 'ख, ग'
प्रत्योश्चिन्हाङ्कितः पाठो नोपलभ्यते । 'आसियसमज्जिवलितं' 'सिंघाडगतिय चउक्कचच्चरचउम्मुहमहापहपहेसु' इदं च वाक्यद्वयं
क्वचिन्नोपलभ्यते (व)। ७. सुचिय (क, ख, ग)।