Page Text
________________
पंचमं अज्झयणं (बहस्सइदत्ते)
७६५ बहस्सइदतस्स वत्तमाणभव-वण्णग-पदं १७. से णं तो प्रणतरं उवट्टिता इहेव कोसंबोए नयरीए सोमदत्तस्स पुरोहियस्स
वसुदत्ताए भारियाए पुत्तत्ताए उववण्णे ॥ १८. तए णं तस्स दारगस्स अम्मापियरो निव्वत्तवारसाहस्स ‘इमं एयारूवं'' नाम
धेज करेति - जम्हा णं अम्ह इमे दारए सोमदत्तस्स पुरोहियस्स पुत्ते वसुदत्ताए
अत्तए, तम्हा णं होउ अम्हं दारए बहस्सइदत्ते नामेणं ।। १६. तए णं से वहस्सइदत्ते दारए पंचधाईपरिग्गहिए जाव' परिवड्ढइ ॥ २०. तए णं से बहस्सइत्ते दारए उम्मुक्कवालभावे विण्णय-परिणयमेत्ते जोव्वणगमणु
प्पत्ते होत्था। से णं उदयणस्स कुमारस्स पियवालवयस्सए यावि होत्था
सहजायए सहड्डियए सहपंसुकीलियए । २१. तए णं से सयाणिए राया अण्णया कयाइ कालधम्मुणा संजुत्ते ।। २२. तए णं से उदयणे कुमारे बहूहिं राईसर'- तलवर-माडंबिय-कोडुविय-इब्भ-सेटि
सेणावइ ° -सत्थवाहप्पभिईहिं सद्धि संपरिबुडे रोयमाणे कंदमाणे विलवमाणे सयाणियस्स रण्णो महया इड्डीसक्कारसमुदएणं नीहरणं करेइ, करेत्ता बहूई
लोइयाई मयकिच्चाई करेइ ॥ २३. तए णं ते बहवे राईसर- तलवर-माडंबिय-कोडुविय-इन्भ-से टि-सेणावइ° -
सत्थवाहप्पभितरो उदयणं कुमारं महया-महया रायाभिसेएणं अभिसिंचंति ।। २४. तए णं से उदयणे कुमारे राया जाए-महयाहिमवंत-महंत-मलय-मंदर
महिंदसारे॥ २५. तए णं से वहस्सइदत्ते दारए उदयणस्स रण्णो पुरोहियकम्मं करेमाणे सव्वट्ठाणेसु
सव्वभूमियासु अंतेउरे य दिण्णवियारे जाए यावि होत्था ॥ २६. तए णं से वहस्सइदत्ते पुरोहिए उदयणस्स रण्णो अंतेउरं वेलासु य अवेलासु य
कालेसु य अकालेसु य राम्रो य विआले य पविसमाणे अण्णया कयाइ पउमावईए देवीए सद्धि संपलगे यावि होत्था। पउमावईए देवीए सद्धि उरालाई
माणुस्सगाई भोगभोगाइं भंजमाणे विहरइ॥ २७. इमं च णं उदयणे राया हाए जाव' विभूसिए जेणेव पउमावई देवी तेणेव
उवागच्छइ, उवागच्छित्ता बहस्सइदत्तं पुरोहियं पउमावईए देवीए सद्धि उरालाई माणुस्सगाई भोगभोगाइं भुंजमाणं पासइ, पासित्ता आसुरुते तिवलियं भिउडि निडाले साहट्ट बहस्सइदत्तं पुरोहियं पुरिसेहिं गिण्हावेइ', •गिण्हावेत्ता
१. एमेयारूवं (घ)। २. वि० ११२१४६ । ३. सं० पा०-राईसर जाव सत्यवाह। ४. सं० पा.--राईसर जाव सत्यवाह ।
५. पू०-प्रो० सू० १४ । ६. वि० १।२।६४ । ७. सं० पा०-गिण्हावेइ जाव एएणं ।
Jain Education International
For Private & Personal Use Only
www.jainelibrary.org
| SR No. | 003567 |
| Book Title | Agam 11 Ang 11 Vipak Sutra Vivagsuya Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 195 |
| Language | Prakrit |
| Classification | Book_Devnagari, Agam, Canon, & agam_vipakshrut |
| File Size | 4 MB |