________________
तइयं अज्झयणं (अभग्गसेणे)
१६. से गं भंते ! पुरिसे पुश्वभवे के पासी' ? किं नामए वा किं गोते वा ?
कयरंसि गामंसि वा नयरंसि वा ? कि वा दच्चा कि वा भोच्चा किंवा समायरित्ता, केसि वा पुरा पोराणाणं दुच्चिण्णाणं दुप्पडिकंताणं असुभाणं
पावाणं कडाणं कम्माणं पावगं फलवित्तिविसे सं पच्चणुभवमाणे विहरइ ? अभग्गसेणस्स निन्नयभव-वण्णग-पदं १७. एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे
पुरिमताले नाम नयरे होत्था-रिद्धथिमियसमिद्धे ।। १८. लत्थ णं पुरिमताले नयरे उदिलोदिए नामं राया होत्था - महयाहिमवंत-महंत
मलय-मंदर-महिंदसारे ।। १६. तत्थ णं पुरिमताले निन्नए नामं अंडयवाणियए होत्था--अडढे जाव' अपरि.
भूए, अहम्मिए अधम्माणुए अधम्मि? अधम्मक्खाई अधम्मपलोई अधम्मपलज्जणे अधम्मसमुदाचारे अधम्मेणं चेव वित्ति कप्पेमाणे दुस्सीले दुव्वए °
दुप्पडियाणंदे ॥ २०. तस्स णं निन्नयस्स अंडय-वाणियस्स बहवे परिसा दिण्णभइ-भत्त-वेयणा कल्ला
कल्लि कुद्दालियाओ य पत्थियपिडए" य गिण्हंति, गिण्हित्ता पुरिमतालस्स नयरस्स परिपेरंतेसु बढे काइअंडए य धूइअंडए य पारेवइअंडए य टिट्टिभिअंडए य वगिअंडए य मयूरिअंडए य कुक्कुडिअंडए य, अण्ण सिं च बहूणं जलयरथलयर-खयरमाईणं अंडाई गेहंति, गेण्हित्ता पत्थियपिडगाइं भरेंति, भरेत्ता जेणेव निन्नए अंडवाणियए तेणेव उवागच्छति, उवागच्छित्ता निन्नयस्स
अंडवाणियस्स उवणेति ।। २१. तए णं तस्स निन्नयस्स अंडवाणियगस्स बहवे पुरिसा दिण्णभइ-भत्त-वेयणा
बहवे काइअंडए य जाव कक्कडिग्रंडए य.अण्णेसिं च बहणं जलयर-थलयरखहय रमाईणं अंडए तवएसु य कवल्लीसु य कंडुसुय भज्जणएसु य इंगालेसु य तलेंति भज्जेंति सोल्लेति, तलेत्ता भज्जेत्ता सोल्लेत्ता य रायमग्गे अंतरावणंसि अंडयपणिएणं वित्ति कप्पेमाणा विहरंति । अप्पणा वि णं से निन्नयए अंडवाणियए तेहिं बहूहि काइअंडएहि य जाव कुक्कुडिग्रंडएहि य सोल्लेहि य तलिएहि य भज्जिएहि य सुरं च महुं च मेरगं
१. सं० पा०-~आसी जाव विहरइ। २. अंड (क, ग)1 ३. ओ० सू० १४१। ४. सं० पा० --अहम्मिए जाव दुप्पडियाणंदे। ५. पत्थियापडिए (क, ख, ग, घ)।
६. अंडयाई (क)। ७. वि० ११३।२०। ८. अंडयाई (क)। १. कंदुसु (क); कंदूएसु (ग)।
Jain Education International
For Private & Personal Use Only
www.jainelibrary.org
