Page Text
________________
सत्तमं अज्झयणं (उंबरदत्त)
७७६ गायलट्ठी अोलूहइ, अोलूहित्ता सेयाई वत्थाई परिहेइ, परिहेत्ता महरिहं पुप्फारुहणं मल्लारुहणं गंधारुहणं चुण्णारहणं करेइ, करेत्ता धूवं डहइ, डहित्ता जण्णुपायवडिया एवं वय इ--जइ णं अहं देवाणुप्पिया ! दारगं वा दारियं वा पयामि, तो णं' 'अहं तुभं जायं च दायं च भायं च अक्खयनिहिं च अणवडिस्सामि त्ति कटु अोवाइयं प्रोवाइणइ, प्रोवाइणित्ता जामेव दिसं पाउन्भया
तामेव दिसं पडिगया । २२. तए णं से धण्णंतरी वेज्जे तमो नरयाओ अणंतरं उव्वट्टित्ता इहेव जंबुद्दीवे दीवे
पाडलिसंडे नयरे गंगदत्ताए भारियाए कुच्छिसि पुत्तत्ताए उववण्णे ।। तए णं तीसे गंगदत्ताए भारियाए तिहं मासाणं बहुपडिपुण्णाणं अयमेयारूवे दोहले पाउन्भूए–धण्णाओ णं तानो' 'अम्मयाओ, संपुण्णाओ ण तायो अम्मयामो, कयत्थानो णं तापो अम्मयाअो, कयपुग्णाम्रो ण तानो अम्मयानो. कयलक्खणानो णं ताओ अम्मयामो, कयविहवाओ णं तानो अम्मयानो, सूलद्धे णं तासि अम्मयाणं माणुस्सए जम्मजीविय ° फले, जाओ णं विउल असणं पाणं खाइमं साइमं उवक्खडाति, उवक्खडावेत्ता बहूहि मित्त-नाइनियग-सयण-संबंधि-परियणमहिलाहिं सद्धि परिवुडाओ तं विउलं असणं पाणं खाइम साइमं सुरं च महुं च मेरगं च जाइं च सीधं च पसण्णं च पुष्फ'- वत्थ गंध-मल्लालंकारं गहाय पाडलिसंडं नयरं मज्झमझेणं पडिनिक्खमंति, पडिनिक्खमित्ता जेणेव पुक्खरिणी तेणेव उवागच्छंति, उवागच्छित्ता पुक्खरिणी प्रोगाति, ओगाहेत्ता व्हायानो' 'कयबलिकम्मानो कयकोउय-मंगल °. पायच्छित्तानो तं विउलं असणं पाणं खाइमं साइमं बहूहि मित्त नाइ-नियमसयण-संबंधि-परियणमहिलाहिं ° सद्धि प्रासाएंति वीसाएंति परिभाएंति परिभजेंति, दोहलं विणेति ---एवं संपेहेइ, संपेहेत्ता कल्लं पाउप्पभायाए रयणीए जाव उद्वियम्मि सूरे सहस्सरस्सिम्मि दिणयरे तेयसा जलते जेणेव सागरदत्त सत्थवाहे तेणंव उवागच्छइ, उवागच्छित्ता सागरदत्तं सत्थवाह एवं वयासीधण्णायो णं तायो अम्मयाओ जाव दोहलं विणेति, तं इच्छामि णं देवाणुप्पिया !
तुब्भेहि अब्भणुण्णाया जाव दोहलं विणित्तए॥ २४. तए णं से सागरदत्ते सत्थवाहे गंगदत्ताए भारियाए एयमटुं अणुजाण ॥ २५. तए णं सा गंगदत्ता सागरदत्तेणं सत्थवाहेणं अब्भणुण्णाया समाणी विउलं
१. सं० पा० ---तो णं जाव ओयाइणइ । २. सं० पा०--ताओ जाव फले। ३. सं० पा०-मित्त जाव परिवुडाओ! ४. सं० पा०-पुप्फ जाब गहाय ।
५. सं० पा०---हायाओ जाव पायच्छित्ताओ। ६. सं० पा०-~मित्त जाव सद्धि । ७. ना० ११११२४ ।
Jain Education International
For Private & Personal Use Only
www.jainelibrary.org
| SR No. | 003567 |
| Book Title | Agam 11 Ang 11 Vipak Sutra Vivagsuya Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 195 |
| Language | Prakrit |
| Classification | Book_Devnagari, Agam, Canon, & agam_vipakshrut |
| File Size | 4 MB |