Page Text
________________
विवागसुयं
अहं णं अघण्णा अण्णा अकयपण्णा एत्तो एगतरमविन पत्ता सेयं खल मम कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलते सागरदत्तं सत्थवाहं अापूच्छित्ता सूबहं पूप्फ-वत्थ-गंध-मल्लालंकारं गहाय वहूहि मित्त-नाइ-नियग-सयण-संबंधि-परियणमहिलाहिं सद्धि पाडलिसंडामो नय राम्रो पडिनिक्खमित्ता बहिया जेणेव उवरदत्तस्स जक्खस्स जक्खाययणे तेणेव उवागच्छित्ता, तत्थ णं उंबरदत्तस्स जवखस्स महरिहं पुप्फच्चणं करेत्ता जाणुपायपडियाए प्रोयाइत्तए'—जइ णं अहं देवाणुप्पिया ! दारगं वा दारियं वा पयामि, तो णं अहं तुब्भं जायं च दायं च भायं च अक्खयनिहिं च अणुवटिस्सामि त्ति कटु प्रोवाइयं प्रोवाइणित्तए---एवं संपेहेइ, संपेहेत्ता कल्लं पाउप्पभायाए रयणीए जाव उद्वियम्मि सूरे सहस्सरस्सिम्मि दिणयरे तेयसा जलते जेणेव सागरदत्ते सत्थवाहे तेणेव उवागच्छइ, उवागच्छित्ता सागरदत्तं सत्थवाहं एवं वयासी-एवं खलु अहं देवाणुप्पिया ! तुब्भेहि सद्धि बहूई वासाई उरालाई माणुस्सगाई भोगभोगाई भुजमाणी जाव एत्तो एगमवि न पत्ता । तं
इच्छामिण देवाणप्पिया ! तुभाह अब्भणण्णाया जाव ग्रोवाइणित्तए।। २०. तए णं से सागरदत्त सत्थवाहे गंगदत्त भारियं एवं वयासी-मम पि ण देवाण
प्पिए ! एस चेव मणोरहे कहं णं तुम दारगं वा दारियं वा पयाएज्जासि ?
गंगदत्ताए भारियाए एयमटुं अणुजाणइ ।।। २१. तए णं सा गंगदत्ता भारिया सागरदत्तसत्थवाहेणं एयम; अव्भणण्णाया समाणी
सुवहुं पुप्फ-वत्थ-गंध-मल्लालंकारं गहाय बहूहि मित्त-नाइ-नियग-सयण-संबंधिपरियणमहिलाहिं सद्धि सयाओ गिहारो पडिनिक्खमइ, पडिनिक्खमित्ता पाडलिसंडं नयरं मझमझेणं निग्गच्छइ, निग्गच्छित्ता जेणेव पुक्खरिणी' तेणेव उवागच्छइ, उवागच्छित्ता पुवखरिणीए तीरे सुवहुं पुप्फ-वत्थ-गंध-मल्लालंकारं ठवेइ, ठवेत्ता पुवखरिणि प्रोगाहेइ, योगाहेत्ता जलमज्जणं करेइ, करेत्ता जलकिडं करेइ, करता पहाया कयबलिकम्मा कयकोउय-मंगल-पायच्छित्ता उल्लपडसाडिया पुक्खरिणीनों पच्चुत्तरइ, पच्चुत्तरित्ता तं पुप्फ-वत्थ-गंधमल्लालंकार गेण्हइ, गेण्हित्ता जेणेव उंबरदत्तस्स जवखस्स जक्खाययणे तेणेव उवागच्छइ, उवागच्छित्ता उंबरदत्तस्स जक्खस्स आलोए पणामं करेइ, करेत्ता लोमहत्थयं परामुसइ, परामुसित्ता उंबरदत्तं जक्खं लोमहत्थएणं पमज्जइ, पमज्जित्ता दगधाराए अब्भुक्खेइ, अब्भुखेत्ता पम्हल'-'सुकुमाल-गंधकासाइयाए °
१. ना० १.१।२४। २. उब्याएत्तए (ग); ग्रोवायइत्तए (क्व)। ३. पोक्खरिणी (क); पुक्खरणी (ग)।
४. पुक्खरिणि (क, ग); पुक्खरणीए (ख)। ५. सं० पा०--पम्हल° ।
Jain Education International
For Private & Personal Use Only
www.jainelibrary.org
| SR No. | 003567 |
| Book Title | Agam 11 Ang 11 Vipak Sutra Vivagsuya Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 195 |
| Language | Prakrit |
| Classification | Book_Devnagari, Agam, Canon, & agam_vipakshrut |
| File Size | 4 MB |