________________
४२२
उवासगदसाम्र
६. तस्स णं कामदेवस्स गाह्रावइस्स भद्दा नामं भारिया होत्था - अहीण-पडिपुण्णपंचिदियसरीरा जाव' माणुस्सए कामभोए पच्चणुभवमाणी विहरइ० ॥ महावीर - समवसरण - पद
७. तेणं कालेणं तेणं समएणं समणे भगवं महावीरे जाव' जेणेव चंपा नयरी, जेणेव पुष्णभद्दे चेइए, तेणेव उवागच्छइ, उवागच्छित्ता अहापडिरूवं ओग्गहं ओगिहिता संजमेणं तवसा ग्रप्पाणं भावेमाणे विहरइ ॥
८. परिसा निग्गया ||
६. कूणिए राया जहा तहा जियसत्तू निग्गच्छइ जाव' पज्जुवासइ ॥
१०. तए गं से कामदेवे गाहावई इमी से कहाए लट्ठे समाणे- "एवं खलु समणे भगवं महावीरे पुव्वाणुपुव्वि चरमाणे गामाणुगामं दूइज्जमाणे इहमागए इह संपत्ते इह समोसढे इहेव चंपाए नयरीए बहिया पुष्णभद्दे चेइए महापडिख्वं श्रहं श्रगहित्ता संजमेणं तवसा अप्पाणं भावेमाणे विहरइ ।" तं महाफलं खलु भो ! देवाणुप्पिया ! तहारूवाणं अरहंताणं भगवंताणं णामगोयस्स वि सवणयाए, किमंग पुणे अभिगमण-वंदण - णमंसण-पडिपुच्छणपज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विस्सस्स गहणयाए ? तं गच्छामि णं देवाणुप्पिया ! समणं भगवं महावीरं वंदामि णमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि - एवं संपेहेइ, संपेहेत्ता हाए कयबलिकम्मे कय- कोउय-मंगलपायच्छिते सुद्धप्पावेसाई मंगल्लाई वत्थाई पवर परिहिए अप्पमहग्घाभरणालंकियसरीरे सयाम्रो गिहाम्रो पडिणिक्खमइ, पडिणिक्खमित्ता सकोरेंट मल्लदामेणं छत्तेणं धरिज्जमाणेणं मणुस्सवग्गुरापरिखित्ते पादविहारचारेणं चंप नयरि मज्भंमज्भेणं निग्गच्छइ, निग्गच्छित्ता जेणामेव पुण्णभद्दे चेइए, जेणेव समणे भगवं महावीरे, तेणेव उत्रागच्छइ, उवागच्छित्ता समणं भगवं महावीरं तिक्खुत्तो प्रायाहिण-पयाहिणं करेइ, करेत्ता वंदइ णमंसइ, वदित्ता णमंसित्ता णच्चासरणे णाइदूरे सुस्सुसमाणे णमसमाणे अभिमुहे विषएणं पंजलिउडे पज्जुवासइ !
११. तए णं समणे भगवं महावीरे कामदेवस्स गाहावइस्स तीसे य महइमहालियाए परिसाए जाव धम्मं परिकहेइ ॥
१२. परिसा पडिगया, राया य गए ॥
१. उवा० १।१४ ।
२. सं० पा०-- समोसरणं जहा आणंदो तहा निग्गओ । तहेव सावयधम्मं पडिवज्जइ । सा चैव वत्तव्वया जाव जेट्ठपुत्तं ।
Jain Education International
३. ओ० सू० १६,२२ ।
४. ओ० सू० ५३-६६ ।
५. ओ० सू० ७१-७७ 1
For Private & Personal Use Only
www.jainelibrary.org
