________________
५२८
उवासगदसाओ
६. तस्स णं नंदिणी पियस्स गाहावइस्स अस्सिणी नामं भारिया होत्था-अहीण
पडिपुण्ण-पंचिदियसरीरा जाव' माणुस्सए कामभोए पच्चणुभवमाणी विहरइ ॥ महावीर-समवसरण-पदं ७. तेणं कालेणं तेणं समएणं सामी समोसढे ।। ८. परिसा निग्गया। ६. कूणिए राया जहा, तहा जियसत्तू निग्गच्छइ जाव' पज्जुवासइ ।। १०. तए णं से नंदिणीपिया गाहावई इमीसे कहाए लट्ठ समाणे - "एवं खलु समणे
भगवं महावीरे पुव्वाणुपुटिव चरमाणे गामाणुगामं दूइज्जमाणे इहमागए इह संपत्ते इह समोसढे इहेव सावत्थीए नयरीए बहिया कोट्टए चेइए अहापडिरूवं प्रोग्गहं अोगिण्हित्ता संजमेणं तवसा अप्पाणं भावेमाणे विहरइ।" तं महाफलं खलु भो ! देवाणुप्पिया ! तहारूवाणं अरहताणं भगवंताणं णामगोयस्स वि सवणयाए, किमंग पुण अभिगमण-वंदण-णमंसण-पडिपुच्छणपज्जुवासणयाए ? एगस्स वि पारियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए ? तं गच्छामि णं देवाणु प्पिया ! समणं भगवं महावीरं वदामिणमसामि सक्कारेमि सम्माणमि कल्लाण मंगल देवयं चेइयं पज्जुवासामि ... एवं संपेहेइ, संपेहेत्ता हाए कयबलिकम्मे कय-कोउयमंगल-पायच्छित्ते सुद्धप्पावेसाइं मंगल्लाइं वत्थाई पवर परिहिए अप्पमहग्घाभरणालं कियसरीरे सयानो गिहाम्रो पडिणिक्ख मइ, पडिणिवखमित्ता सकोरेंटमल्लदामेणं छत्तेणं धरिज्जमाणेणं मणुस्सवम्गुरापरिखित्ते पादविहारचारेणं सावत्थि नरि मज्झमझेणं निग्गच्छइ, निग्गच्छित्ता जेणामेव कोट्टए चेइए, जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता णच्चासण्णे णाइदूरे सुस्सूसमाणे णमंसमाणे अभिमुहे विणएणं
पंजलिउडे पज्जवासइ ।। ११. तए णं समणे भगवं महावीरे नंदिणीपियस्स गाहावइस्स तीसे य महइ महा
लियाए परिसाए जाव' धम्म परिकहेइ ।। १२. परिसा पडिगया, राया य गए । नंदिणीपियस्स गिहिधम्म-पडिवत्ति-पदं १३. तए णं से नंदिणीपिया गाहावई समणस्स भगवनो महावीरस्स अंतिए धम्म
३. ओ० सू० ७१-७७ ।
१. उवा० १११४ । २. ओ० सू० ५३-६६1
Jain Education International
For Private & Personal Use Only
www.jainelibrary.org
