Page Text
________________
उवासगदसाओ
से नूणं कुंडकोलिया ! कल्लं' तुम्भं पञ्चावरण्हकालसमयंसि असोगवणियाए एगे देवे अंतियं पाउब्भवित्था । तए णं से देवे नाममुद्दगं च' 'उत्तरिज्जगं च पुढविसिलापट्टयानो गेण्हइ, गेण्हित्ता अंतलिक्खपडिवण्णे सखिखिणियाइं पंचवण्णाई वत्थाई पवर परिहिए तुम एवं वयासी-हंभो! कंडकोलिया ! समणोवासया ! संदरी णं देवाणुप्पिया ! गोसालस्स मंखलिपुत्तस्स धम्मपण्णत्ती - नत्थि उठाणे इ वा कम्मे इ वा बले इ वा वीरिए इ वा पुरिसक्कार-परक्कमे इ वा नियता सव्वभावा, मंगुली णं समणस्स भगवप्रो महावीरस्स धम्मपण्णत्ती-अस्थि उट्ठाणे इ वा कम्मे इ वा बले इ वा वीरिए इ वा पुरिसक्कार-परक्कमे इ वा अणियता सव्वभावा । तए ण तुमं तं देवं एवं वयासी-जइ ण देवाणुप्पिया ! सुंदरी णं गोसालस्स मंखलिपुत्तस्स धम्मपण्णत्ती-नत्थि उट्ठाणे इ वा जाव पुरिसक्कार-परकम्मे इ वा नियता सव्वभावा, मंगुली णं समणस्स भगवनो महावीरस्स धम्मपण्णत्ती-अस्थि उट्टाणे इ वा जाव पुरिसक्कार-परक्कमे इ वा अणियता सव्वभावा, तुमे णं देवाणप्पिया ! इमा एयारूवा दिव्वा देविड्री दिव्वा देवज्जूई दिव्वे देवाणुभावे किण्णा लधे ? किण्णा पत्ते ? किण्णा अभिसमण्णागए ? कि उट्ठाणेणं जाव पुरिसक्कार-परक्कमेणं? उदाहु अणुट्ठाणेणं जाव अपुरिसक्कारपरकम्मेणं? तए णं से देवे तुम एवं वयासी-एवं खलु देवाणुप्पिया ! मए इमा एयारूवा दिव्वा देविड्डी दिव्वा देवज्जुई दिव्वे देवाणुभावे अणुट्ठाणेणं जाव अपुरिसक्कारपरक्कमेणं लधे पत्ते अभिसमण्णागए। तए णं तुमं तं देवं एवं वयासी जइ णं देवाणुप्पिया ! तुमे इमा एयारूवा दिव्या देविड्डी दिव्वा देवज्जुई दिब्वे देवाणुभाव अणुटाणेणं जाव अपुरिसक्कारपरक्कमेणं लद्धे पत्ते अभिसमण्णागए, जेसि णं जीवाणं नत्थि उढाणे इ वा जाव परक्कमे इवा, ते कि न देवा? अह तुब्भे इमा एयारूवा दिव्वा देविड्डी दिव्वा देवज्जुई दिव्वे देवाणुभावे उढाणेणं जाव परक्कमेणं लद्धे पत्ते अभिसमण्णागए, तो जं वदसि सुंदरी णं गोसालस्स मंखलिपुत्तस्स धम्मपण्णत्ती-नत्थि उदाणे इ वा जाव नियता सव्वभावा, मंगुली णं समणस्स भगवो महावीरस्स धम्मपण्णत्ती-अस्थि उढाणे इ वा जाव अणियता सव्वभावा, तं ते मिच्छा। तए णं से देवे तुम
एवं वुत्ते समाणे संकिए कंखिए वितिगिच्छासमावणे कलुससमावण्णे नो १. ४ (ख)।
३. सं० पा०-- नामदगं च तहेव जाव पडिगए। २. पुन्वावरण्ह° (ख, घ)।
Jain Education International
For Private & Personal Use Only
www.jainelibrary.org
| SR No. | 003563 |
| Book Title | Agam 07 Ang 07 Upashak Dashang Sutra Uvasagdasao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 242 |
| Language | Prakrit |
| Classification | Book_Devnagari, Agam, Canon, & agam_upasakdasha |
| File Size | 4 MB |