________________
नायाधम्मकहाऔ
पुवं फरसं गिरं सोच्चा निसम्म इमेणं एयारूवेणं मणोमाणसिएणं मह्या पुत्तदुक्खेणं अभिभूया समाणी सेयागय रोमकूवपगलंत-चिलिणगाया' सोयभरपवेवियंगी नित्तेया दीण-विमण-वयणा करयलमलिय व्व कमलमाला तक्खणोलुग्गदुब्बलसरीर-लावण्णसुन्न-निच्छाय-गयसिरीया पसिढिलभूसण-पडंतखुम्मियसंचुण्णियधवलवलय-पभट्ठउत्तरिज्जा सूमाल-विकिण्ण-केसहत्था मुच्छावसनटुचेय-गरुई परसुनियत्त व्व चंपगलया निव्वत्तमहे व्व इंदलट्ठी विमुक्क
संधिवंधणा कोट्टिमतलंसि सव्वंगेहिं धसत्ति पडिया ॥ धारिणीए मेहस्स य परिसंवाद-पदं १०६. तए णं सा धारिणी देवी ससंभमोवत्तियाए तुरियं कंचभिंगारमुहविणिग्गय
सीयलजलविमलधाराए परिसिंचमाण-निव्वावियगायलट्ठी उक्खेवय-तालविंटवीयणग-जणियवाएणं सफुसिएणं अंतेउर-परिजणेणं प्रासासिया समाणी मुत्तावलि-सन्निगास-पवडत"-अंसुधाराहि सिंचमाणी पोहरे, कलुण-विमण-दीणा रोयमाणी कंदमाणी तिप्पमाणी सोयमाणी विलवमाणी मेहं कुमार एवं वयासीतुमं सि णं जाया ! अम्हं एगे पुत्ते इढे कंते पिए मणुण्णे मणामे थेज्जे वेसासिए सम्मए बहुमए अणुमए भंडकरंडगसमाणे रयणे रयणभूए जीविय-उस्सासिए हियय-णंदि-जणणे १३ 'उंबरपुष्पं व दुल्लहे सवणयाए, किमंगपुण पासणयाए ? नो खलु जाया ! अम्हे इच्छामो खणमवि विप्पनोगं सहित्तए । तं भंजाहि ताव जाया ! विपुले माणुस्सए कामभोगे जाव ताव वयं जीवामो । तो पच्छा अम्हेहि कालगएहिं परिणयवए वढिय-कुलवंसतंतु-कज्जम्मि निरावयखे। समणस्स भगवनो महावीरस्स अंतिए मुंडे भवित्ता अगारापो अणगारियं पव्वइस्ससि ।।
११. धिज्जे (ग); धेज्जे (घ); पेज्जे (ओ०
१. परसं (क)। २. विलीण ° (क, ख, ग, घ)। ३. ° खुण्णिय ° (भ० ६।१६८) । ४. सुकुमाल (क, घ)। ५. गुरुइ (ख)। ६. व (ख)। ७. परिसिंचमाणा (घ)। ८. उक्खेवण (क, ख)। ६. परियणेणं (ख, ग, घ)। १०. पडत (क)।
१२. ° उस्सासए (क, ख, ग); वाचनान्तरे
जीविउस्सविए (व)। १३. हिययाणंदजणणे (क, ख, व); एकस्यां हस्त
लिखितवृत्तावपि हृदयनंदिजननः' इति
लिखितमस्ति । १४. पुष्फमिद (ख)। १५. निरवयक्खे (घ)।
www.jainelibrary.org
Jain Education International
For Private & Personal Use Only
