________________
तत्था उविग्गा उद्विग्गमणा तो अणेगाई जोयणाइं उब्भमंति। ते णं तत्थ
पउर-गोयरा पउर-तणपाणिया निब्भया' निरुव्विग्गा सुहंसुहेणं विहरंति ॥ संजत्तियाणं पुणरागमण-पदं १६. तए णं ते संजत्ता-नावावाणियगा अण्णमण्णं एवं वयासी-किण्णं अम्हं देवाणु
प्पिया ! प्रासेहि ? इमे णं बहवे हिरण्णागरा य सुवण्णागरा य रयणागरा य वइरागरा य ! तं सेयं खलु अम्हं हिरण्णस्स य सुवण्णस्स य रयणस्स य बइरस्स य पोयवहणं भरित्तए त्ति कटु अण्णमण्णस्स एयमढे पडिसुणेति, पडिसुणेत्ता हिरण्णस्स य सुवण्णस्स य रयणस्स य वइरस्स य तणस्स य कदृस्स य अन्नस्स य पाणियस्स य पोयवहणं भरेंति, भरेत्ता पयक्खिणाणुकलेणं' वाएणं जेणेव गंभीरए पोयपट्टण तेणंव उवागच्छति, उवागच्छित्ता पोयवहण लंबीत, लंबेत्ता सगडी-सागडं सज्जेति, सज्जेत्ता तं हिरण्णं च सुवणं च रयणं च ° वइरं च एगट्टियाहिं पोयवहणाश्रो संचारेति, संचारेत्ता सगडी-सागडं संजोएंति', जेणेव हत्थिसीसए नयरे तेणेव उवागच्छंति, उवागच्छित्ता हत्थिसीसयस्स नयरस्स बहिया अग्गुज्जाणे सत्थानवेसं करेंति, करेत्ता सगडी-सागडं मोएंति, मोएत्ता महत्थं •महग्धं महरिहं विउलं रायारिहं ° पाहुडं गेहंति, गेण्हित्ता हत्थिसीसयं नयरं अणुप्पविसंति, अणुप्पविसित्ता जेणेव से कणगकेऊ राया तेणेव उवागच्छंति, उवागच्छित्ता तं महत्थं 'महग्धं महरिहं विउलं रायारिहं ° पाहुडं
उवणेति ।। आसाण आणयण-पदं १७. तए णं से कणगकेऊ राया तेसि संजत्ता-नावावाणियगाणं तं महत्थं" 'महग्ध
महरिहं विउलं रायारिहं पाहुडं° पडिच्छइ, पडिच्छित्ता ते संजत्ता-नावावाणियगे एवं वयासी--तुम्भे णं देवाणुप्पिया ! गामागर-नगर-खेड-कब्बडदोणमुह-मडंव-पट्टण-आसम-निगम-संबाह-सण्णिवेसाइं° आहिंडह, लवणसमुई च अभिक्खणं-अभिक्खणं पोयवहणेणं प्रोगाहेह । तं अत्थियाइं च केइ भे" कहिचि अच्छे रए दिद्वपुवे ?
१. निब्भया निब्भेया (ग)। २. निउविग्गा (ख)। ३. दक्खिणाणु° (ख, ग)। ४. गंभीर (ख, ग, घ)। ५. पोयवहणपट्टणे (ग)। ६. सं० पा०-हिरण्णं जाव वइरं । ७. ज़ोएंति (क, ख, घ)।
५. हत्थिसीसे (घ)। है. सं. पा.-महत्थं जाव पाहुडं । १०. सं० पा०—महत्थं जाव पाहुई। ११. स. पा०-महत्थ जाव पडिच्छइ । १२. सं० पा०-गामागर जाव आहिंडह ।
Jain Education International
For Private & Personal Use Only
www.jainelibrary.org
