Page Text
________________
३०४
नायाधम्मकहाओ
१५५. तए णं से दुवए राया कोडंबियपुरिसे सद्दावेइ, सहावेत्ता एवं वयासी-गच्छह
णं तुन्भे देवाणुप्पिया ! सयंवरमंडवं आसिय-संमज्जिवलित्तं पंचवण्ण'पुप्फोवयारकलियं कालागरु-पवरकंदुरुक्क-तरुक्क'-'धुव-डज्झत-सूरभिमघमघेत-गंधद्धयाभिरामं सुगंधवरगंधगंधियं. गंधवट्रिभूयं मंचाइमंचकलियं करेह कारवेह, करेता कारवेत्ता वासुदेवपामोक्खाणं बहुणं रायसहस्साणं पत्तेयंपत्तेयं नामंकियाइं पासणाई अत्थुयपच्चत्थुयाई रएह, रएत्ता एयमाणत्तियं
पच्चप्पिणह । तेवि जाव पच्चप्पिणंति ।। १५६. तए णं ते वासुदेवपामोक्खा बहवे रायसहस्सा कल्लं पाउप्पभायाए रयणीए'
उद्वियम्मि सूरे सहस्सरस्सिम्मि दिणयरे तेयसा जलते पहाया जाव' सव्वालंकारविभूसिया हत्थिखंधवरगया सकोरेंटमल्लदामेणं छत्तेणं धरिज्जमाणेणं सेयवरचामराहि वीइज्जमाणा हय-गय. रह-पवरजोहकलियाए चाउरंगिणीए सेणाए सद्धि संपरिवुडा महयाभड-चडगर-रह-पहकर-विंदपरिक्खित्ता सव्विड्डीए जाव' दुंदुहि-निग्घोस-नाइयरवेणं जेणेव सयंवरामंडवे तेणेव उवागच्छंति, उवागच्छित्ता अणुप्पविसंति, अणुप्पविसित्ता पत्तेयं-पत्तेयं नामंकिएसु
प्रासणेसु निसीयंति दोवइं रायवरकण्णं पडिवालेमाणा-पडिवालेमाणा चिटुंति ।। १५७.
तए णं से दुवए राया कल्लं पाउप्पभायाए रयणोए' उट्ठियम्मि सूरे सहस्सरस्सिम्मि दिणयरे तेयसा जलंते ण्हाए जाव" सव्वालंकारविभूसिए हथिखंधवरगए सकोरेंट" मल्लदामेणं छत्तेणं धरिज्जमाणेणं सेयवरचामराहिं वोइज्जमाणे ह्य-गय-रह-पवरजोहकलियाए चाउरंगिणीए सेणाए सद्धि संपरिवडे मह्याभड-चडगर-रह-पहकर-विंदपरिक्खित्ते कंपिल्लपुरं नगरं मझमझेणं निग्गच्छइ, जेणेव सयंवरामंडवे जेणेव वासुदेवपामोक्खा बहवे रायसहस्सा तेणेव उवागच्छइ, उवागच्छित्ता तेसिं वासुदेवपामोक्खाणं करयल•परिग्गहियं दसणहं सिरसावत्तं मत्थए अंजलि कटु जएणं विजएणं वद्धावेइ °,
वद्धावेत्ता कण्हस्स वासुदेवस्स सेयवरचामरं गहाय उववीयमाणे चिट्ठइ ।। १५८. तए णं सा दोवई रायवरक ण्णा कल्लं पाउप्पभायाए रयणीए" उट्ठियम्मि सूरे
१. सुगंध-वरगंधियं पंचवण्ण (क ख, ग, घ)। २. सं० पा०-तुरुक्क जाव गंधवट्टिभूयं । ३. नामंकाई (क, ख, ग, घ)। ४. पू०-ना० १११।२४। ५. ना० १११।१४७। ६. सं० पा०-हयगय जाव परिवुडा। ७. ना० १।११३३ ।
८. नामकेसु (ख, घ)। ६. पू०-ना० ११११२४ । १०. ना० २११४७ 1 ११. सं० पा०--सकोरेंट हयगय । १२. सं० पा०-करयल वद्धावेत्ता। १३. पू.---ना० १११।२४ ।
Jain Education International
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |