________________
सोलसमं अभयणं (प्रवरकंका)
३०३
असण-पाण- खाइम- साइमं उवक्खडावेइ, उवक्खडावेत्ता कोडुंबियपुरिसे सहावेइ, सहावेत्ता एवं वयासी -- गच्छह णं तुब्भे देवाणुप्पिया ! विपुलं असण-पाणखाइम साइमं सुरं च मज्जं च मंसं च सीधुं च पसन्नं च सुबहं पुप्फ-वत्थ-गंधमल्लालंकारं च वासुदेवपामोक्खाणं रायसहस्साणं आवासेसु साहरह । तेवि साहति ॥
१५२. तए णं ते वासुदेवपामोक्खा तं विपुलं असण - पाणखाइम - साइमं सुरं व मज्जं च मंसं च सीधुं च° पसन्नं च प्रसाएमाणा विसादेमाणा परिभाएमाणा परिभुजे माणा विहरति । जिमियभुत्तुत्तरागया वि य णं समाणा श्रायंता चोक्खा' 'परमसुइभूया सुहासणवरगया बहूहि गंधव्वेहि य' नाडएहि य उवगिज्जमाणा य उवनच्चिज्जमाणा य° विहरति ॥
दोवईए सयंवर - पदं
१५३. तए णं से दुवए राया पञ्चावरण्ह - कालसमयंसि कोडुंबियपुरिसे सहावेइ, सहावेत्ता एवं वयासी - गच्छह णं तुभे देवाणुप्पिया ! कंपिल्लपुरे सिंघाडग"• तिग- चउक्क-चच्चर- चउम्मुह - महापह पहेसु वासुदेवपामोक्खाणं रायसहसाणं श्रावासे हत्थखंधव रगया महया मया सदेणं उग्घोसेमाणा एवं वयहएवं खलु देवाणुप्पिया ! कल्लं पाउप्पभायाए रयणीए उट्ठियम्मि सूरे सहस्रस्सिम्मि दियरे तेयसा जलते दुवयस्स रण्णो धूयाए, चुलणीए देवीए प्रतियाए, घट्टज्जुणस्स भगिणीए, दोवईए रायवरकण्णाए सयंवरे भविस्सइ | तं तुभे णं देवाणुप्पिया ! दुवयं रायाणं श्रणुगिरहेमाणा व्हाया जाव' सव्यालंकारविभूसिया हत्थिखंधवरगया सकोरेंट' मल्लदामेणं छत्तेणं धरिज्जमाणे सेवरचामराहि वीइज्जमाणा हय-गय-रह-पवरजोहकलियाए चाउरंगिणीए सेणाए सद्धि संपरिवुडा महयाभड चडगर-रह-पहकर-विंद परिक्खित्ता जेणेव सयंवरामंडवे तेणेव उवागच्छह, उवागच्छित्ता पत्तेयं-पत्तेयं नामंकिएसु आससु निसीयह, निसीहत्ता दोवई रायवरकण्णं पडिवालेमाणा- पडिवालेमाणा चिट्ठह त्ति" घोसणं घोसेह, घोसेत्ता मम एयमाणत्तियं पच्चपिह || १५४. तए णं ते कोटुंबियपुरिसा तहेव जाव" पच्चष्पिणंति ||
१. सं० पा० - असण जाव पसन्नं ।
२. सं० पा० - चोक्खा जाव सुहासणवरगया । ३. सं० पा० -- गंधव्वेहि य जाव विहरति । ४. पुव्वावरण्ह ( ख, ग, घ ) । ५. सं० पा०-- सिंघाडग जाय पहेसु । ६. पू ० ना० १।१।२४ ।
Jain Education International
७. ना० १११४७ ।
८. सं० पा०--- सकोरेंट • सेयचामर हय-गयरह-मह्याभडचडगरेण जाव परिक्खित्ता | ९. नामकेसु (क, ख, ग, घ ) ।
१०. × (क, ख, ग ) ।
११. ना० १।१६ १५३ ।
For Private & Personal Use Only
www.jainelibrary.org
