________________
२६२
नायाधम्मकहाओ
१०३. तए णं सा सूमालिया समणोवासिया जाया जाव' समणे निग्गंथे फासूएणं
एसणिज्जेणं असण-पाण-खाइम-साइमेणं वत्थ-पडिग्गह-कंबल-पायपुछणेणं ओसहभेसज्जेणं पाडिहारिएण य पीढ-फलग-सेज्जा-संथारएणं पडिलाभेमाणी
विहरइ ॥ सूमालियाए पव्वज्जा-पदं १०४. तए णं तोसे सूमालियाए अण्णया कयाइ पुनरत्तावरत्तकालसमयंसि
कुडुबजागरियं जागरमाणीए अयमेयारूवे अज्झथिए चितिए पत्थिए मणोगए संकप्पे समुप्पज्जित्था एवं खलु अहं सागरस्स पुदिव इट्ठा कंता पिया मणुण्णा मणामा मासि, इयाणि प्राणदा अकता अप्पिया अमण ण्णा अमणामा । नेच्छइ णं सागरए मम नामगोयमवि सवणयाए, किं पुण दसणं वा परिभोग वा ? जस्स-जस्स वि य णं देज्जामि तस्स-तस्स वि य णं अणिट्टा अकंता अप्पिया अमणुण्णा अमणामा भवामि । तं सेयं खलु ममं गोवालियाणं अज्जाणं अंतिए पव्वइत्तए-एवं संपेहेइ, संपेहेत्ता कल्लं पाउप्पभायाए रयणीए जाव' उद्वियम्मि सूरे सहस्सरस्सिम्मि दिणयरे तेयसा जलते जेणेव सागरदत्ते तेणेव उवागच्छइ, उवागच्छित्ता करयलपरिग्गहियं सिरसावत्तं मत्थए अंजलि कटु ° एवं वयासी - एवं खलु देवाणुप्पिया! मए गोवालियाणं अज्जाणं अंतिए धम्मे निसंते, से वि य मे धम्मे इच्छिए पडिच्छिए अभिरुइए । तं इच्छामि णं तुभेहि अब्भणुण्णाया पव्व इत्तए जाव' गोवालियाणं अज्जाणं अंतिए
पव्वइया ।। १०५. तए णं सा सूमालिया अज्जा जाया-इरियासमिया जाव गुत्तबंभयारिणी बहूहिं
चउत्थ-छट्टट्ठम-*दसम दुवालसेहिं मासद्धमासखमणेहि अप्पाणं भावेमाणी
विहरइ॥ सूमालियाए आतावणा-पदं १०६. तए णं सा सूमालिया अज्जा अण्णया कयाइ जेणेव गोवालियानो अज्जाओ
तेणेव उवागच्छइ, उवागच्छित्ता बंदइ नमसइ, वंदित्ता नमंसित्ता एवं वयासीइच्छामि णं अज्जायो ! तुब्भेहिं अब्भणुण्णाया समाणी चंपाए नयरीए बाहिं सुभूमिभागस्स उज्जाणस्स अदूरसामंते छटुंछट्टेणं अणिक्खित्तेणं तवोकम्मेणं
सूराभिमुही पायावेमाणी विहरित्तए॥ १०७. तए णं तारो गोवालियाओ अज्जायो सूमालियं अज्जं एवं वयासी-अम्हे णं
१. ना० ११५॥४७॥ २. ना० १११।२४ । ३. ना० १११४१५३,५४ ।
४. ना० ११४।४०। ५. सं० पा०-छट्ट? म जाव विहरइ ।
Jain Education International
For Private & Personal Use Only
www.jainelibrary.org
