Agam 06 Ang 06 Gnatadharma Sutra Nayadhammakahao Terapanth

SR No.: 003562
Original Sutra Author: N/A
Author: Tulsi Acharya, Nathmalmuni
Publisher: Jain Vishva Bharati
Publication Year: 1975
Total Pages: 491
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 9 MB

Page 309

चोद्दसम अज्झयणं (तेयली) ६६. तए णं तेयलिपुत्ते कणगझयं रायं विप्परिणयं जाणित्ता भीए' 'तत्थे तसिए
उव्विग्गे • संजायभए एवं वयासी–रुटे णं मम कणगज्झए राया। होणे णं मम कणगज्झए राया। अवज्झाए णं मम कणगज्झए राया। तं न नज्जइ णं मम केणइ कु-मारेण मारेहिइ त्ति कटु भीए तत्थे जाव सणियं-सणियं 'पच्चोसक्कइ, पच्चोसक्कित्ता" तमेव आसखंधं दुरूहइ, दुरूहित्ता तेयलिपुरं
मज्झमझेणं जेणेव सए गिहे तेणेव पहारेत्थ गमणाए । ७०. तए णं तेयलिपुत्तं जे जहा ईसर जाव सत्थवाहपभियत्रो पासंति ते तहा नो
अाढायंति नो परियाणंति नो अब्भुटुंति नो अंजलिपगह करेंति, इट्टाइं जाव' वग्गहिं नो पालवंति नो संलवंति नो पुरो य पिट्ठो य पासो य समणु
गच्छंति ।। ७१. तए णं तेयलिपुत्ते अमच्चे जेणेव सए गिहे तेणेव उवागए। जा वि य से तत्थ
बाहिरिया परिसा भवइ, तं जहा -- दासे इ वा पेसे इ वा भाइल्लए इ वा, सा वि य णं नो आढाइ नो परियाणाइ नो अब्भुटेइ ! जा वि य से अभितरिया परिसा भवइ, तं जहा-पिया इ वा माया इ वा 'भाया इ वा भगिणी इ वा भज्जा इ वा पुत्ता इ वा धूया इ वा. सुण्हा इ वा, सा वि य णं नो पाढाइ नो
परियाणाइ नो अब्भुढेइ ॥ तेलियपुत्तस्स मरणचेट्ठा-पदं ७२. तए णं से तेयलिपुत्ते जेणेव वासघरे जेणेव सयणिज्जे तेणेव उवागच्छइ, उवा
गच्छित्ता सयणिज्जंसि निसीयइ, निसीइत्ता एवं वयासी-एवं खलु अहं सयानो गिहाम्रो निगच्छामि तं चेव जाव अभितरिया परिसा नो पाढाइ नो परियाणाइ नो अब्भटेइ । तं सेयं खलु मम अप्पागं जीवियाग्रो ववरोवित्तए त्ति कटु
एवं संपेहेइ, संपेहेत्ता तालउडं विसं प्रासगंसि पक्खिवइ । से य विसे नो कमइ ।। ७३. तए णं से तेयलिपुत्ते अमच्चे नीलुप्पल-गवलगुलिय-अयसि कुसुमप्पगासं खुर
धारं असि खंधसि अोहरइ । तत्थ विय से धारा ओएल्ला ! ७४. तए णं से तेयलिपुत्ते जेणेव असोगवणिया तेणेव उवागच्छइ, उवागच्छित्ता पासगं
गीवाए बंधइ, वंधित्ता रुक्खं दुरुहइ, दुरुहित्ता पासगं रुक्खे बंधइ, बंधित्ता अप्पाणं मुयइ । तत्थ वि य से रज्जू छिन्ता ॥
-.
-.
-
--
१. सं० पा०-भीए जाव संजायभए । २. प्रीत्येति गम्यते (वृ)। ३. पाठान्तरेण दुर्ध्यातोहं (वृ)। ४, पच्चोरहइ २ (ग)। ५. ना० १११४१६५ ६. ना० ११११४८ ।
७. सं० पा०-माया इ वा जाव सुण्हा । ८. ना० ११४॥६४-७१ । ६. सं० पा०-नीलुप्पल जाव असि । १०. ओइल्ला (ख); ओपल्ला (ग, घ); अवदीर्णा
कुंठीभूता इत्यर्थः (वृ)!