Page Text
________________
२५८
नायाधम्मकहाओ मुंडा भवित्ता अगाराप्रो अणगारियं• पव्वइत्तए । पडिच्छंतु णं देवाणुप्पिया ! सिस्सिगिभिक्खं ।
अहासुह, मा पडिबंध करेहि ।। ५४. तए णं सा पोट्टिला सुव्वयाहिं अज्जाहिं एवं वुत्ता समाणी हट्ठा उत्तरपुरथिम
दिसीभागं अवक्कमइ, अवक्कमित्ता सयमेव अाभरणमल्लालंकारं प्रोमुयइ, प्रोमुइत्ता सयमेव पंचमुट्टियं लोयं करेइ, जेणेव सुव्वयानो अज्जानो तेणेव उवागच्छइ, वंदइ नमसइ, वंदित्ता नमंसित्ता एवं वयासी-प्रालित्ते णं अज्जा ! लोए एवं जहा देवाणंदा जाव' एक्का रस अंगाई अहिज्जइ, बहूणि वासाणि सामण्णपरियागं पाउणइ, पाउणित्ता मासियाए संलेहणाए अत्ताणं झोसेत्ता, सट्ठि भत्ताई अणसणेणं छेएत्ता आलोइय-पडिक्कता समाहिपत्ता कालमासे कालं
किच्चा अण्णय रेसु देवलोएसु देवत्ताए उववण्णा ॥ कणगरहस्स मच्चु-पदं ५५. तए णं से कणगरहे राया अण्णया कयाइ कालधम्मुणा संजुत्ते यावि होत्था ॥ ५६. तए गं ते ईसर- तलवर-माडंबिय-कोडुंबिय-इब्भ-से द्वि-सेणावइ-सत्थवाह
पभिइणो रोयमाणा कंदमाणा विलवमाणा तस्स कणगरहस्स सरीरस्स महया इड्ढी-सक्कार-समुदएणं नीहरणं करेंति, करेत्ता अण्णमण्णं एवं वयासी-एवं खलू देवाणप्पिया ! कणगरहे राया रज्जे य जाव' मुच्छिए पुत्ते वियंगित्था । अम्हे णं देवाणुप्पिया! रायाहीणा रायाहिट्ठिया रायाहीणकज्जा । अयं च णं तेयली अमच्चे कणगरहस्स रणो सव्वट्ठाणंसु सव्वभूमियासु लद्धपच्चए दिन्नवियारे सव्वकज्जवड्ढावए यावि होत्था । तं सेयं खलु अम्हं तेयलिपुत्तं अमच्च कुमारं जाइत्तए त्ति कटु अण्णमण्णस्स एयमटुं पडिसुणेति, पडिसुणेत्ता जेणेव तेयलिपुत्ते अमच्चे तेणेव उवागच्छंति, उवागच्छित्ता तेयलिपुत्तं एवं वयासीएवं खलु देवाणु प्पिया! कणगरहे राया रज्जे य जाव मुच्छिए पुत्ते वियंगित्था । अम्हे णं देवाणुप्पिया ! रायाहीणा रायाहिट्ठिया रायाहीणकज्जा । तुमं च णं देवाणु प्पिया! कणगरहस्स रण्णो सव्वठाणेसु. सव्वभूमियासु लद्धपच्चए दिन्नवियारे° रज्जधुराचिंतए होत्था । तं जइ णं देवाणुप्पिया ! अस्थि केइ
१. भग०६।१५२, १५४, १५५ ।
वर्तते, तदनुसारेण स एव पाठः अस्माभिरत्र २. सं० पा०-ईसर जाव नीहरणं ।
स्वीकृतः । ३. ना० १.१४।२१। ।
५. सं० पा०-रायाहीणा जाव रायाहीणकज्जा। ४. वियंगेइ (क, ख, ग, घ)। यद्यपि सर्वासु प्रतिषु ६. सं० पा०-सव्वठाणेसु जाव रज्जधुरा
अत्र 'वियंगेई' इति पाठः उपलभ्यते । चितए। अस्मित्नेव सूत्रे 'वियंगित्था' इति पाठः
Jain Education International
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |