________________
मष्टुमं अज्झयणं (मल्ली)
१५६ सोलसमं करेंति, चोद्दसमं करेंति । अट्ठारसमं करेति, सोलसमं करेंति । वीसइमं करेंति, सोलसमं करेंति । अट्ठारसमं करेंति, चोद्दसमं करेंति । सोलसमं करेंति, दुवालसमं करेंति । चोद्दसमं करेंति, दसमं करेंति । दुवालसमं करेंति, अट्ठमं करेंति । दसमं करेंति, छटुं करेंति ।
अट्टमं करेंति, चउत्थं करेंति । छटुं करेंति, चउत्थं करेंति, करेत्ता सव्वत्थ सव्वकामगुणिएणं पारति! एवं खलु एसा खुड्डागसीहनिक्कीलियस्स तवोकम्मस्स पढमा परिवाडी छहिं
मासेहि सत्तहि य अहोरत्तेहिं अहासुत्तं जाव' आराहिया भवइ ।। २१. तयाणतरं दोच्चाए परिवाडीए चउत्थं करति, नवरं-विगइवज्ज पारेति ॥ २२. एवं तच्चा वि परिवाडी, नवरं -पारणए अलेवाडं पारेति ।। २३. एवं चउत्था वि परिवाडी, नवरंपारणए प्राय बिलेण पारेति ।। २४. तए णं ते महब्बलपामोक्खा सत्त अणगारा खुड्डागं सीहनिक्कीलियं तवोकम्म
दोहि संवच्छरेहिं अट्ठवीसाए अहोरत्तेहिं अहासुत्तं जाव' आणाए पाराहेत्ता जेणेव थेरे भगवंते तेणेव उवागच्छंति, उवागच्छित्ता थेरे भगवंते वदति नमसंति, वंदित्ता नमंसित्ता एवं वयासी--इच्छामो णं भंते ! महालयं सीहनिक्की लियं तवोकम्म उवसंपज्जित्ता णं विहरित्तए। तहेव जहा खुड्डाग, नवर-चोत्तीसइमाओ नियत्तइ । एगाए परिवाडीए कालो एगेणं संवच्छरेणं छहिं मासेहिं अट्ठारसहि य अहोरत्तेहि समप्पेइ ! सव्वंपि [महालयं ? ] सीहनिक्कीलियं छहि वासेहिं दोहि मासेहिं बारसहि य अहोरत्तेहि
समप्पेइ ।। २५. तए णं ते महब्बलपामोक्खा सत्त अणगारा महालयं सीहनिक्कीलियं अहासुत्तं
जाव' पाराहित्ता जेणेव थेरे भगवंते तेणेव उवागच्छंति, उवागच्छित्ता थेरे भगवते वंदंति नमसंति, वंदित्ता नमंसित्ता बहूणि चउत्थ- छटुट्ठम-दसमदुवालसेहि मासद्धमासखमणेहि अप्पाणं भावमाणा विहरति ।।
१. ठा० ७१३1 २. विगति ° (ख); विगय (घ)। ३. ठा० ७।१३। ४. पूछ-ना० शा२० ।
५. समप्पइ (क)। ६. ठा० ७.१३ । ७. सं० पा०-चउत्थ जाब विहरति ।
Jain Education International
For Private & Personal Use Only
www.jainelibrary.org
