Page Text
________________
पंचमं अभयण (सेलगे)
सेलग राय - पर्द
४२. ते काले तेणं समएणं सेलगपुरे नाम नगरे होत्या । सुभूमिभागे उज्जाणे । सेलए राया । पउमावई देवी । मंडुए कुमारे जुवराया |
४३. तस्स णं सेलगस्स पंथगपामोक्खा' पंच मंतिसया होत्था - उप्पत्तियाए वेणइयाए कमाए पारिणामियाए उववेया रज्जधुरं चितयति ॥
४४. थावच्चापुत्ते से लगपुरे समोसढे । राया निग्गए ॥
सेarea मिहिधम्म- पडिवत्ति-पदं
४५. तए णं से सेलए राया थावच्चापुत्तस्स अणगारस्स प्रति धम्मं सोच्चा निसम्म हट्ट - चित्तमानंदिए पीइमणे परमसोमणस्सिए हरिसवसविसप्पमाणहियए उट्ठाए उट्ठेइ, उत्ता थावच्चापुत्तं अणगारं तिक्खुत्तो प्रायाहिण-पयाहिणं करेइ, करेता वंदइ नमसइ, वंदित्ता नमसित्ता एवं वयासी
सहामि णं भंते ! निग्गथं पावयणं । पत्तियामि णं भंते ! निग्गंथं पावयणं ।
रोएमि णं भंते ! निग्गंथं पावयणं ।
भुमि णं भंते! निग्गंथं पावयणं ।
एवमेयं भंते ! तहमेयं भंते! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! जं णं तुब्भे वदह त्ति कट्टु वंदनमंस, वंदित्ता नमसित्ता एवं वयासी – जहा णं देवाणुप्पियाणं अंतिए बहवे उग्गा उग्गपुत्ता भोगा जाव' इब्भा इव्भपुत्ता चिच्चा हिरण्णं, एवं - धणं धन्नं बलं वाहणं कोस कोट्ठागारं पुरं अंतेउरं, चिच्चा विउलं धणकणग-रयण-मणि-मोत्तिय संख सिल प्पवाल- संतसार - सावएज्जं विच्छड्डित्ता विगोवइत्ता, दाणं दाइयाणं परिभाइत्ता, मुंडा भवित्ता णं अगाराम्रो अणगारयं पव्वइया, तहा णं ग्रहं नो संचाएमि० जाव' पव्वइत्तए, ग्रहं णं देवाणुप्पियाणं अंतिए चाउज्जामियं गिहिधम्मं पडिवज्जि -
१. मड्डु (क) सर्वत्र मद्दए ( ग ) ; मदुए (घ ) | २. ० मोक्खाणं (क, ग, घ ) 1 ३. सं० पा० धम्मं सोच्चा जहा ण देवापियाणं अंतिए बहवे उग्गा भोगा जाव चइत्ता हिरण्णं जाव पव्वइया तहां णं अहं णो संचाएमि पव्वइए ।
४. राय० सू० ६८८ ।
५. राय० सू० ६६५ ।
६. अत्र 'पंचाणुव्वइयं' इति पाठः प्रवाहपतितः
Jain Education International
११६
इवाभाति । अर्हतोऽरिष्टनेमे : समये चतुर्यामधर्मस्य प्रवृत्तिरासीत् । यथा केशिस्वामिना चित्तसारथये चतुर्यामधर्मस्य उपदेशः कृतः (रायपसेणइयं सू० ६९३) । चित्तसारथेव तस्वीकारेप्यस्य समीक्षा कृतास्ति, द्रष्टव्यं --रायपसेणइयं, ६६५ सूत्रस्य पादटिप्पणम् । अत्रापि वस्तुतः 'चा उज्जामियं गिहिधम्मं' इति पाठ: समीचीनः प्रतिभाति ।
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |