________________
पंचम अज्झयणं (सेलगे)
यमाणी-विणिम्मुयमाणी' •रोयमाणी-रोयमाणी कंदमाणी-कंदमाणी विलवमाणी-विलवमाणी' एवं वयासी-जइयव्वं जाया ! घडियव्वं जाया ! परक्कमियव्वं जाया ! अस्सिं च णं अट्ठ नो पमाएयब्वं'। 'अम्हंपिणं एसेव मग्गे भवउ त्ति कटु थावच्चा गाहावइणी अरहं अरिट्टनेमि वंदति नमसति,
वंदित्ता नमंसित्ता जामेव दिसि पाउन्भूया तामेव दिसि पडिगया । थावच्चापुत्तस्स पन्दज्जागहण-पदं ३४. तए णं से थावच्चापुत्ते पुरिससहस्सेणं सद्धि सयमेव पंचमुट्ठियं लोयं करेइ,
करेत्ता जेणामेव अरहा अरिनेमी तेणामेव उवागच्छइ, उवागच्छित्ता अरहं अरिट्टनेमि तिवखुत्तो आयाहिप-पयाहिणं करेइ, करेत्ता वंदइ नमसइ जाव'
पव्वइए॥ यावच्चापुत्तस्स प्रणगारचरिया-पदं ३५. तए णं से थावच्चापुत्ते अणगारे जाए-इरियासमिए भासासमिए •एसणासमिए
प्रायाण-भंड-मत्त-णिखेवणासमिए उच्चार-पासवण-खेल-सिंघाण-जल्लपारिद्वावणियासमिए मणसमिए वइसमिए कायसमिए मणगुत्ते वइगुत्ते कायगुत्ते गुत्ते गुत्तिदिए गुत्तबंभयारी अकोहे प्रमाणे अमाए अलोहे संते पसंते उवसंते परिनिव्वुडे अणासवे अममे अकिंचणे निरुवलेवे, कंसपाईव मुक्कतोए संखो इव निरंगणे जीवो विव अप्पडिहयगई गगणमिव निरालंबणे वायुरिव अप्पडिवद्धे सारयसलिलं व सुद्धहियए पुक्खरपत्तं पिव निरुवलेवे कुम्मो इव गुत्तिदिए खग्गविसाणं व एगजाए विहग इव विप्पमुक्के भारंडपक्खीव अप्पमत्ते कुंजरो इव सोंडीरे वसभो इव जायत्थामे सीहो इव दुद्धरिसे मंदरो इव निप्पकंपे सागरो इव गंभीरे चंदो इव सोमलेस्से सूरो इव दित्ततेए जच्चकंचणं व जायरूवे वसुंधरव्व सव्वफासविसहे सुहुययासणोव्व
तेयसा जलते॥ ३६. नत्थि णं तस्स भगवंतस्स कत्थइ पडिबंधे भवइ। [सेय पडिबंधे चउविहे
पण्णत्ते, तं जहा-दवो खेत्तयो कालो भावनो। दव्वओ-सच्चित्ताचित्तमीसेसु । खेत्तो -गामे वा नगरे वा रण्णे वा खले वा घरे वा अंगणे वा। कालो-समए वा प्रावलियाए वा प्राणापाणुए वा थोवे वा लवे वा मुहत्ते वा
१. विणिमुंचमाणी-विणि मुंचमाणी (ख, ग, घ);
सं० पा०-विणिम्मुयमाणी २ एवं । २. स. पा.--पमाएयवं जाव जामेव । ३. ना० १११।१४६,१५० । ४. सं० पा०-भासासमिए जाव विहरइ ।
औपपातिकसूत्रे स्थानद्वये (२७-२६, १६४) अनगार-वर्णको विद्यते। प्रस्तुतसूत्रस्यवृत्ती ध्याख्यातादनगार-वर्णकात् तद् द्वयमपि भिन्नमस्ति।
Jain Education International
www.jainelibrary.org
For Private & Personal Use Only
