________________
१०७
पउत्थं अग्झयणं (कुम्मे)
संचाएंति तस्स कुम्मगस्स सरीरस्स किंचि आवाहं वा वावाहं वा उप्पाइत्तए
छविच्छेयं वा करेत्तए॥ २०. तए णं ते पावसियालगा तं कुम्मगं दोच्चंपि तच्चपि उव्वत्तेति जाव', नो चेव
णं संचायति तस्स कुम्मगस्स सरीरस्स किंचि आबाहं वा वावाहं वा'
उप्पाइत्तए° छविच्छेयं वा करेत्तए, ताहे संता तंता परितंता निविण्णा समाणा जामेव दिसं पाउन्भया तामेव दिसं पडिगया ।।। तए णं से कुम्मए ते पावसियालए चिरगए दूरंगए' जाणित्ता सणियं-सणियं गीवं नीणेइ, नीणेत्ता दिसावलोयं करेइ, करेत्ता जमगसमगं चत्तारि वि पाए नीणे इ, नीणेत्ता ताए उक्किट्ठाए' 'तुरियाए चवलाए चंडाए सिग्घाए उद्धयाए जइणाए छेयाए° कुम्मगईए वीईवयमाणे-वीईवयमाणे जेणेव मयंगतीरद्दहे तेणेव उवागच्छइ, उवागच्छित्ता मित्त-नाइ-नियग-सयण-संबंधिपरियणणं सद्धि अभिसमण्णागए यावि होत्था ॥ एवामेव समणाउसो ! जो अम्हं समणो वा समणी वा पायरिय-उवझायाणं अंतिए मुंडे भवित्ता अगाराम्रो अणगारियं पव्वइए समाणे पंच य से इंदियाई गुत्ताई भवंति', 'से णं इहभवे चेव वहूणं समणाणं वहूणं समणीणं बहूणं सावगाणं बहणं सावियाण य अच्चणिज्जे वंदणिज्जे नमसणिज्जे पूणिज्जे सक्कारणिज्जे सम्माणिज्जे कल्लाणं मंगलं देवयं चेइयं विणएणं पज्जुवासगिज्जे भव। परलोए वि य णं नो वहूणि हत्थच्छेयणाणि य कण्णच्छेयणाणि य नासाछेयणाणि य एवं हियय उप्पायणाणि य वसणुप्पायणाणि य उल्लबणाणि य पाविहिइ, पुणो अणाइयं च णं अणवदग्गं दीहमद्धं चाउरतं संसारकंतारं वीईवइस्सइ°
जहा व से कुम्मए गुत्तिदिए ।। निक्खेव-पदं २३. एवं खलु जंबू! समणेणं भगवया महावीरेणं चउत्थस्स नायज्झयणस्स अयमढे पण्णत्ते।
–त्ति बेमि॥
१. ना० १४।११। २. सं० पा०-वाबाहं वा जाव छविच्छेयं । ३. दूरगए (क, ख, ग, घ)। ४. सं० पा०-उक्किदाए (फ कुम्मगईए।
अत्र पाठ संक्षेपः 'फ' अनेन संकेतेन
सूचितोस्ति । वृत्तौ पूर्णपाठस्य निर्देशो
लभ्यते । ५. विहरतीति शेष: (वृ)। ६. सं० पा०-जाव जहा ।
Jain Education International
For Private & Personal Use Only
www.jainelibrary.org
