Page Text
________________
१८
नायाधम्मकहाओ
रुक्खडालयंसि ठिच्चा ' अम्हे मालुयाकच्छयं च [अणिमिसाए दिट्ठीए ?] पेच्छमाणी चिट्ठइ, तं भवियव्वमेत्थ कारणेणं ति कटु मालुयाकच्छयं अंतो अणुप्पविसंति । तत्थ णं दो पुढे परियागए' •पिट्टेडी-पंडुरे निव्वणे निरुवहए भिण्णमुट्टिप्पमाणे मयूरी-अंडए° पासित्ता अण्णमण्णं सद्दावेंति, सद्दावेत्ता एवं वयासी--सेयं खलु देवाणुप्पिया! अम्हं इमे वणमयूरी-अंडए साणं जातिमताणं' कुक्कुडियाणं अंडएसु पक्खिवावित्तए । तए णं तानो जातिमंतानो कुक्कुडियानो एए अंडए सए य अंडए सएणं पंखवाएणं सारक्खमाणीप्रो संगोवेमाणीयो विहरिस्संति। तए णं अम्हं एत्थं दो कीलावणगा मयूरी-पोयगा भविस्संति त्ति कटु अण्णमण्णस्स एयमटुं पडिसुणेति, पडिसुणेत्ता सए सए दासचेडए' सद्दावेंति, सद्दावेत्ता एवं वयासी-गच्छह णं तुब्भे देवाणुप्पिया ! इमे अंडए
गहाय सगाणं जातिमंताणं कुक्कुडीणं अंडएसु पक्खिवह जाव ते वि पक्खिवेति ॥ २०. तए णं ते सत्थवादारगा देवदत्ताए गणियाए सद्धि सुभूमिभागस्स उज्जाणस्स
उज्जाणसिरिं पच्चणुब्भवमाणा विहरित्ता तमेव जाणं दुरूढा समाणा जेणेव चंपा नयरी जेणेव देवदत्ताए गणियाए गिहे तेणेव उवागच्छंति, उवागच्छित्ता देवदत्ताए गिहं अणुप्पविसंति, अणुप्पविसित्ता देवदत्ताए गणियाए विउलं जीवियारिहं पीइदाणं दलयंति, दलइत्ता सक्कारेति सम्माणति, सक्कारेत्ता सम्माणेत्ता देवदत्ताए गिहाम्रो पडिणिक्खमंति, पडिणिक्खमित्ता जेणेव साइंसाई गिहाइं तेणेव उवागच्छति, उवागच्छित्ता सकम्मसंपउत्ता जाया यावि
होत्था ॥ सागरदत्तपुत्तस्स संदेहेण अंडयविणास-पदं २१. तत्थ णं जे से सागरदत्तपुत्ते सत्थवादारए से णं कल्लं पाउप्पभायाए रयणीए
जाव उट्ठियम्मि सूरे सहस्सरस्सिम्मि दिणय रे तेयसा जलते जेणेव से वणमयूरीअंडए तेणेव उवागच्छइ, उवागच्छित्ता तंसि मयूरो-अंडयंसि संकिए कंखिए वितिगिछसमावपणे भेयसमावण्णे कलुससमावण्णे किण्णं मम एत्थ कीलावणए मयूरीपोयए भविस्सइ उदाहु नो भविस्सइ ? त्ति कटु तं मयूरी-अंडयं अभिक्खणंअभिक्खणं उब्वत्तेइ परियत्तेइ प्रासारेइ संसारेइ चालेइ फंदेइ घट्टेइ खोभेइ अभिक्खणं-अभिक्खणं कण्णमूलसि टिट्टियावेइ"।
१. कच्छक (क); कच्छगं (ग)। २. पेहमाणी (क, घ); पिच्छमाणी (ग)। ३. सं० पा०-परियागए जाव पासित्ता। ४. जायमेत्ताणं (क)। ५. एत्य (घ)। ६. दासचेडे (क)।
७. एह गच्छह (क)। ८. सागरदत्तस्स पुत्ते (ग)। ६. ना० १३१४२४। १०. किलावण (ख, ग, घ)। ११. डिंडियावेइ (क); डिट्टियावेइ (ख)।
टिट्टियारेइ (ग)।
Jain Education International
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |