Page Text
________________
पडम अज्झषणं (उक्खित्तणाए)
सस गच्छइ, ससदं चिटुइ, एवामेव मेहे अणगारे ससई गच्छइ, ससदं चिट्टइ, उचिए तवेणं, अवचिए मंससोणिएणं, यासणे इव भासरासिपरिच्छन्ने
तवेणं तेएणं तवतेयसिरीए अईव-अईव उवसोभेमाणे-उवसोभेमाणे चिट्ठइ ।। मेहस्स विपुल ध्वए अणसण-पदं २०३. तेणं कालेणं तेणं समरणं समणे भगवं महावीरे प्राइगरे तित्थगरे जाव'
पुव्वाणुपुचि चरमाणे गामाणुगामं दूइज्जमाणे सुहंसुहेणं विहरमाणे जेणामेव रायगिहे नयरे जेणामेव गुणसिलए चेइए तेणामेव उवागच्छइ, उवागच्छित्ता
अहापडिरूवं प्रोग्गहं सोगिण्हित्ता संजमेणं तवसा अप्पाणं भावेमाणे विहरइ ।। २०४. तए णं तस्स मेहस्स अणगारस्स राम्रो पुव्वरत्तावरत्तकालसमयसि धम्मजागरियं
जागरमाणस्स अयमेयारूवे अज्झथिए 'चितिए पत्थिए मणोगए संकप्पे समुप्पज्जित्था एवं खलु अहं इमेणं अोरालेण विपुलेणं सस्सिरीएणं पयत्तेणं पगहिएणं कल्लाणेणं सिवेणं धन्नेणं मंगल्लेणं उदग्गेणं उदारेणं उत्तमेणं महाणुभावेणं तवोकम्मेण सुक्के लुक्खे निम्मसे किडिकिडियाभूए अद्विचम्मावणद्धे किसे धमणिसंतए जाए यावि होत्था --जीवंजीवेणं गच्छामि, जीवंजीवणं चिट्रामि, भास भासित्ता गिलामि, भास भासमाणे गिलामि, भास भासिस्सामि त्ति गिलामि ! तं अत्थि ता' मे उट्ठाणे कम्मे बले वीरिए पुरिसकार'-परक्कमे सद्धा-धिइ-संवेगे, तं जावता मे अत्थि उट्ठाणे कम्मे बले वारिए पूरिसकार'-परक्कमे सद्धा-धिइ-संवेगे, जाव य मे धम्मायरिए धम्मोवएसए समणे भगवं महावीरे जिणे सुहत्थी विहरइ, ताव ता. मे सेयं कल्लं पाउप्पभायाए रयणीए जाव' उठ्ठियम्मि सूरे सहस्स रस्सिम्मि दिणयरे तेयसा जलते समणं भगवं महावीर वदित्ता नमंसित्ता समणणं भगवया महावीरेणं अभणण्णायस्स समाणस्स सयमेव पंच महत्वयाई प्रारुहित्ता गोयमादीए समणे निग्गंथे निग्गंथीयो य खामेत्ता तहारूवेहि कडाईहि थेरेहि सद्धि विउल पव्वयं सणियं-सणियं दुरुहित्ता सयमेव मेषणसण्णिगासं पुढविसिलापट्टयं पडिलेहित्ता संलेहणा-झूसणा-झूसियस्स भत्तपाण-पडियाइक्खियस्स पाओवगयस्स कालं अणवकखमाणस्स विहरित्तए–एवं संपेहेइ, संपेहेत्ता कल्लं पाउप्पभायाए रयणीए
जाव" उद्वियम्मि सूरे सहस्सरस्सिम्मि दिणयरे तेयसा जलते जेणेव समणे भगवं ---- - - ---- - १. ओ० १६ ।
६. पुरिसगार (क)। २. सं० पा०—अज्झथिए जाव समुप्पज्जित्था। ७. ताव (क, ग, घ); तावताव (वृ)। ३. सं० पा०-उरालेणं तहेव जाव भासं । ८. ना० १।१२४ ! ४. तामेव (ख, ग)।
६. जलते सूरिए (ख, ग)। ५. पुरिसक्कार (क, घ)।
१०. ना० १११।२४।
Jain Education International
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |