________________
दसमो समवाओ
८४३
३. मंदरे णं पब्बए मूले दसजोयणसहस्साई विक्खंभेणं पण्णत्ते ।। ४. अरहा णं अरिट्ठनेमी दस धणूई उड्ढं उच्चत्तेणं होत्था ।। ५. कण्हे णं वासूदेवे दस धणई उडढं उच्चत्तेणं होत्था । ६. रामे णं बलदेवे दस धणूई उड्ढं उच्चत्तेणं होत्था ।।
७. दस नक्खत्ता नाणविद्धिकरा पण्णता, तं जहा-- संगहणी-गाहा
मिगसिरमद्दा पुस्सो, तिम्णि अ पुव्वा य मूल मस्सेसा।
हत्थो चित्ता य तहा, दस वुद्धिकराइं नाणस्स ।।१।। ८. अकम्मभूमियाणं मणुआणं दसविहा रुक्खा उवभोगत्ताए उवत्थिया पण्णत्ता, तं जहा
मत्तंगया य. भिंगा, तुडिअंगा दीव जोइ चित्तंगा।
चित्तरसा मणिअंगा, गेहागारा अणिगणा' य ॥१।। ६. इमीसे णं रयणप्पभाए पुढवीए नेरइयाण' जहण्णेणं दस वाससहस्साई ठिई
पण्णत्ता।। १०. इमीसे णं रयणप्पभाए पुढवीए अत्थेगइयाण नेरइयाणं दस पलिओवमाई ठिई
पण्णत्ता ।। ११. च उत्थीए पुढवीए दस निरयावाससयसहस्सा' पण्णत्ता।। १२. चउत्थीए पुढवीए नेरइयाणं उक्कोसेणं दस सागरोवमाइं ठिई पण्णता ।। १३. पंचमाए पूढवीए ने रइयाणं जहण्णणं दस सागरोवमाई ठिई पण्णत्ता ॥ १४. असुरकुमाराणं देवाणं जहण्णेणं दस वाससहस्साइं ठिई पण्णत्ता ।। १५. असूरिदवज्जाणं भोमेज्जाण देवाण जहण्णणं दस वाससहस्साई ठिई पण्णत्ता॥ १६. असुरकुमाराणं देवाणं अत्थेगइयाणं दस पलिओवमाइं ठिई पण्णत्ता ।। १७. बायरवणप्फतिकाइयाणं उक्कोसेणं दस वाससहस्साई ठिई पण्णत्ता ॥ १८. वाणमंतराणं देवाणं जहणणं दस वाससहस्साई ठिई पण्णत्ता ॥ १६. सोहम्मीसाणेसु कप्पेसु अत्थेगइयाणं देवाणं दस पलिओवमाइं ठिई पण्णत्ता ।। २०. बंभलोए कप्पे देवाणं उक्कोसेणं दस सागरोवमाइं ठिई पण्णत्ता ।। २१. लंतए कप्पे देवाणं जहण्णेणं दस सागरोवमाइं ठिई पण्णत्ता ।।
१. अणियणा (ग); अणिगिणा (क्व)। २. अत्थेगइयाणं नेरइयाण (क, ख, ग)।
३. ° सहस्साइं (क्व)।
Jain Education International
For Private & Personal Use Only
www.jainelibrary.org
