________________
६१८
समवाओ
६५.
विज्जति पिण्णविज्जति परूविज्जति दंसिज्जति निदंसिज्जति उवदंसिज्जति। सेत्तं णाया-धम्मकहाओ। से कि तं उवासगदसाओ ? उवासगदसासु णं उवासयाणं नगराइं उज्जाणाई चेइआई वणसंडाई रायाणो अम्मापियरो समोसरणाई धम्मायरिया धम्मकहाओ इहलोइय-परलोइया इड्डिविसेसा, उवासयाणं च सीलव्वय-वेरमण-गुण-पच्चक्खाण-पोसहोववासपडिवज्जणयाओ सुयपरिगहा तवोवहाणाई पडिमाओ उक्सग्गा संलेहणाओ भत्तपच्चक्खागाई पाओवगमणाई देवलोगगमणाई सुकुलपच्चायाई पुण बोहिलाभो अंतकिरियाओ य आधविज्जति । उवासगदसासू ण उवासयाणं रिद्धिविसेसा परिसा वित्थर-धम्मसवणाणि बोहिलाभ-अभिगम-सम्मत्तविसुद्धया थिरत्तं मूलगुणउत्तरगुणाइयारा ठिइविसेसा य बहुविसेसा पडिमाभिग्गहग्गहण-पालणा उवसग्गाहियासणा णिरुवसग्गा य, तवा य विचित्ता, सीलव्वय-'वेरमण-गुण-पच्चक्खाण-पोसहोववासा, अपच्छिममारणंतियाायसंलेहणा-झोसणाहिं अप्पाणं जह य भावइत्ता, बहूणि भत्ताणि अणसणाए य छेयइत्ता उववण्णा कप्पवरविमाणुत्तमेसु जह अणुभवंति सुरवरविमाणवरपोंडरीएसु सोक्खाई अणोवमाई कमेण भोत्तूण उत्तमाइं, तओ आउक्खएणं चया समाणा जह जिणमयम्मि बोहि लळूण य संजमुत्तमं तमरयोघविप्पमुक्का उवेति जह अक्खयं सव्वदुक्ख मोक्खं । एते अण्णे य एवमाइअत्था वित्थरेण य । उवासगदसासु णं परित्ता वायणा संखेज्जा अणुओगदारा' 'संखेज्जाओ पडिवत्तीओ संखेज्जा वेढा संखेज्जा सिलोगा संखेज्जाओ निज्जुत्तीओ संखेज्जाओ संगहणीओ। से णं अंगठ्ठयाए सत्तमे अंगे एगे सुयक्खंधे दस अज्झयणा दस उद्देसणकाला दस समुद्देसणकाला संखेज्जाइं पयसयसहस्साई पयग्गेणं, संखेज्जाइं अक्ख राई अणंता गमा अणंता पज्जवा परित्ता तसा अणंता थावरा सासया कडा णिबद्धा णिकाइया जिणपण्णत्ता भावा आघविज्जति पण्णविज्जंति परूविज्जति दंसिज्जंति निदंसिज्जति उवदंसिज्जति । से एवं आया एवं णाया एवं विण्णाया° एवं चरण-करण-परूवणया आघ
१. सं० पा०-आषविज्जति । २. भत्तपाण° (वृ)। ३. अभिगमणं (ग)। ४. चित्ता (क, ख, ग)।
५. गुण वेरमण (क, ख, ग)। ६. सं० पा०-अणुओगदारा जाव संखेज्जाओ। ७. पयसहस्साइं (क, ख)। ८. सं० पा०-अक्खराइं जाव एवं चरण ।
Jain Education International
For Private & Personal Use Only
www.jainelibrary.org