________________
८६४
समवाओ
ओरालियसरीरंगोवंगनाम सेवट्टसंघयणनाम वण्णनामं गंधनाम रसनामं फासनामं तिरियाणपुम्विनामं अगरुयलहुयनाम उवघायनामं तसनामं बादरनाम अपज्जत्तयनाम पत्तेयसरीरनामं अथिरनामं असुभनामं दुभगनामं अणादेज्जनामं
अजसोकित्तिनामं निम्माणनामं ।। ७. गंगासिंधुओ णं महाणदीओ पणवीसं गाउयाणि पुहुत्तेण' दुहओ घडमुह
पवित्तिएणं मृत्तावलिहार-संठिएणं पवातेणं पवडंति ॥ ८. रत्तारत्तवतीओ णं महाणदीओ पणवीसं गाउयाणि पुहुत्तेणं' दुहओ मकरमुह
पवित्तिएणं मुत्तावलिहार-संठिएणं पवातेणं पवडंति ॥ ६. लोविंदुसारस्स णं पुव्वयस्स पणवीसं वत्थू पण्णत्ता ॥ १०. इमीसे ण रयणप्पभाए पुढवीए अत्थेगइयाणं नेरइयाणं पणवीस पलिओवमाई
ठिई पण्णत्ता ॥ ११. अहेसत्तमाए पुढवीए अत्थेगइयाणं ने रक्ष्याणं पणवीसं सागरोवमाइं ठिई
पण्णत्ता ।। १२. असुरकुमाराणं देवाणं अत्थेगइयाणं पणवीसं पलिओवमाइं ठिई पण्णता ।। १३. सोहम्मीसाणेसु कप्पेसु देवाणं अत्थेगइयाणं पणवीसं पलिओवमाइं ठिई
पण्णत्ता ! १४. मज्झिम-हेट्ठिम-गेवेज्जाणं देवाणं जहण्णेणं पणवीसं सागरोवमाइं ठिई पण्णत्ता॥ १५. जे देवा हेट्ठिम-उवरिम-गेवेज्जगविमाणेसु देवत्ताए उववण्णा, तेसिणं देवाणं
उक्कोसेणं पणवीसं सागरोवमाई ठिई पण्णत्ता ।। १६. ते ण देवा पणवीसाए अद्धमासेहिं आणमंति वा पाणमंति वा ऊससंति वा
नीससंति वा ।। १७. तेसि णं देवाणं पणवीसाए वाससहस्सेहिं आहारट्टे समुप्पज्जइ ।। १८. संतेगइया भवसिद्धिया जीवा, जे पणवीसाए भवग्गहणेहिं सिज्झिस्संति'
'बुझिस्संति मुच्चिस्संति परिनिव्वाइस्संति ° सव्वदुक्खाणमंतं करिस्संति ॥
छव्वीसइमो समवाओ
१. छव्वीसं दस-कप्प-ववहाराणं उद्देसणकाला पण्णत्ता, तं जहा--दस दसाणं,
छ कप्पस्स, दस ववहारस्स ।। २. अभवसिद्धियाणं जीवाणं मोहणिज्जस्स कम्मस्स छव्वीसं कम्मंसा संतकम्मा
१. छेवटु° (क्व)। २. अगस्यलहु ° (ख, ग); अगुरुलहु (क्व)।
३,४. पुहत्तेणं (क, ख, म) ! ५. सं० पा०-सिज्झिस्संति जाव सव्वदुक्खाण ।
Jain Education International
For Private & Personal Use Only
www.jainelibrary.org
