________________
८६२
समवाओ
६. रत्तारतवतीओ णं महाणदीओ पवहे सातिरेगे चउवीसं कोसे वित्थारेणं पण्णत्ताओ ||
७. इमीसे णं रयणप्पभाए पुढवीए अत्थेगइयाणं नेरइयाणं चउवीसं पलिओदमाई ठिई पण्णत्ता ॥
८. अहेसत्तमाए पुढवीए अत्येगइयाणं नेरइयाणं चउवीसं सागरोवमाई ठिई
पण्णत्ता ||
६. असुरकुमाराणं देवानं अत्येगइयाणं चउवीसं पलिओ माई ठिई पण्णत्ता ॥ १०. सोहम्मीसाणेसु कप्पेसु अत्थेगइयाणं देवानं चउवीसं पलिओवमाई ठिई
पण्णत्ता ||
११. हेट्ठिम उवरिम- गे वेज्जाणं देवाणं जहण्णेणं चउवीसं सागरोवमाई ठिई पण्णत्ता ॥ १२. जे देवा हेदिम-मज्झिम- गेवेज्जयविमाणेसु देवत्ताए उववण्णा, तेसि णं देवाण उक्कोसेणं चउवीसं सागरोवमाई ठिई पण्णत्ता ॥
१३.
ते णं देवा चवीसाए अद्धमासाणं अणमंति वा पाणमंति वा ऊससंति वा नीससंति वा ॥
१४. तेसि णं देवाणं चउवीसाए वाससहस्सेहि' आहारट्ठे समुप्पज्जइ || १५. संतेगइया भवसिद्धिया जीवा, जे चवीसाए भवग्गहणेहिं सिज्झिस्संति' "बुज्झिस्संति मुच्चिस्संति परिनिव्वाइस्सति सव्वदुक्खाणमंतं करिस्सति ॥
पणवीसइमो समवाओ
१. पुरिमपच्छिमताणं' तित्थगराणं पंचजामस्स पणवीसं भावणाओ पण्णत्ताओ, तं जहा
१. इरियासमिई २ मणगुत्ती ३. वयगुत्ती ४. आलोय - भायण-भोयणं ५. आदाण- भंड-मत्त-निक्खेवणासमिई ।
१. अणुवीति भासणया २ कोहविवेगे ३. लोभविवेगे ४. भयविवेगे ५. हासविवेगे ।
१. उग्गह' - अणुण्णवणता २. उग्गह सीमजाणणता ३ सयमेव उग्गहअणुगेण्हता ४. साहम्मियउग्गहं अणुष्णविय परिभुंजणता ५. साधारणभत्तपाणं अणुविय परिभुंजणता" ।
१. वाससहस्साणं ( क, ख, ग ) ।
२. सं० पा० - सिज्झिस्संति जाव सव्वदुक्खाण । ३. पच्छिमताणं (ग); ० पच्छिमंगाणं (क्व ) । ४. पणुवी ( क, ख ) प्रायः सर्वत्रापि ।
Jain Education International
५. आलोयण ( क, ख ) ।
६. उग्गहाणं (वृ) ।
७. पड़ि ० ( क, ख, ग ) ।
For Private & Personal Use Only
www.jainelibrary.org