________________
५०२
ठाणं
२४. पाडुच्चिया किरिया दुविहा पण्णत्ता, तं जहा -- जीवपाडुच्चिया चेव, अजीवपाडुच्चिया चेव ॥
२५. सामंतोवणिवाइया किरिया दुविहा पण्णत्ता, तं जहा -- जीवसामंतोवणिवाइया चेव, अजीव सामंतोवणिवाइया चेव ° ॥
२६. दो किरियाओ पण्णत्ताओ, तं जहा- साहत्थिया चेव, णेसत्थिया चेव ॥
२७. साहित्थिया किरिया दुविहा पण्णत्ता, तं जहा - जीवसाहत्थिया चेव अजीव - साहित्थिया चेव ||
२८. सत्थिया किरिया दुविहा पण्णत्ता, तं जहा - जीवणेसत्थिया चेव, अजीवसत्थिया चेव ॥
३०.
२६. दो किरियाओ पण्णत्ताओ, तं जहा - आणवणिया चेव, वेयारणिया चेव ॥ आणवणिया किरिया दुविहा पण्णत्ता, तं जहा -- जीवआणवणिया चेव, अजीवआणवणिया चेव ॥
३१. वेयारणिया किरिया दुविहा पण्णत्ता, तं जहा - जीववेयारणिया चेव, अजीववेयारणिया चैव ॥
३२. दो किरियाओ पण्णत्ताओ, तं जहा -- अणाभोगवत्तिया चेव, अणवकखवत्तिया चेव ||
३३. अणाभोगवत्तिया किरिया दुविहा पण्णत्ता, तं जहा - अणाउत्तआइयणता चेव, अण उत्तपमज्जगता चेव ॥
३४. अणवकखवत्तिया किरिया दुविहा पण्णत्ता, तं जहा - आयसरी रअणवकखवत्तिया चेव, परसरीरअणवकखवत्तिया चेव ॥
३५. दो किरियाओ पण्णत्ताओ, तं जहा --- पेज्जवत्तिया चेव, दोसवत्तिया चेव || ३६. पेज्जवत्तिया किरिया दुविहा पण्णत्ता, तं जहा -- मायावत्तिया चेव, लोभवत्तिया
चेव ॥
३७. दोसवत्तिया किरिया दुविहा पण्णत्ता, तं जहा – कोहे चेव, माणे चेव ॥ गरहा-पदं
३८. दुविहा गरिहा पण्णत्ता, तं जहा - माणसा वेगे गरहति, वयसा वेगे गरहति । अहवा - गरहा दुविहा पण्णत्ता, तं जहा - दीहं वेगे अद्धं गरहति, रहस्सं वेगे अद्धं गरहति ॥
१. सं० पा० एवं सामंतोवणिवाइयावि ।
२. सं० पा० - एवं सत्थियावि ।
३. वेयारणीया (क, ख ) ; अणाणुवणिता ( ग ) ।
Jain Education International
४. सं० पा०--
५.
-- जहेव सत्थियाओ ।
० आयाणता ( क ) 1
For Private & Personal Use Only
www.jainelibrary.org
