________________
ওওও
ठाणं
बंभचेरअगुत्ति-पदं ४. णव बंभचेरअगुत्तीओ पण्णत्ताओ, तं जहा-१. णो विवित्ताई सयणासणाई
सेवित्ता भवति-इत्थीसंसत्ताई पसुसंसत्ताई पंडगसंसत्ताइ । २. इत्थीणं कह कहेत्ता भवति । ३. इत्थिठाणाई सेवित्ता भवति । ४. इत्थीणं इंदियाइ 'मणोहराई मणोरमाई आलोइत्ता णिज्झाइत्ता भवति । ५. पणीयरसभोई [भवति ?] । ६. पाणभोयणस्स अइमायमाहारए सया भवति। ७. पुव्वरयं पुव्वकीलियं सरित्ता भवति । ८. सद्दाणुवाई रूवाणुवाई सिलोगाणुवाई
[भवति ? ] 1 ६. सायासोक्खपडिबद्धे यावि भवति ॥ तित्थगर-पदं ५. अभिणंदणाओ णं अरहओ सुमती अरहा णवहिं सागरोवमकोडीसयसहस्सेहि
वीइक्कतेहिं समुप्पण्णे॥ सम्भावपयत्थ-पदं ६. णव सब्भावपयत्था पण्णत्ता, तं जहा--जीवा, अजीवा, पुण्णं, पावं, आसवो,
संवरो, णिज्जरा, बंधो, मोक्खो।। जीव-पदं ७. णवविहा संसारसमावण्णगा जीवा पण्णत्ता, तं जहा--पुढविकाइया', 'आउ
काइया, तेउकाइया, वाउकाइया', वणस्सइकाइया, बेइंदिया, तेइंदिया,
चरिदिया , पंचिदिया॥ गति-आगति-पदं ८. पुढविकाइया णवगतिया णवआगतिया पण्णत्ता, तं जहा-पुढविकाइए पुढवि
काइएसु उववज्जमाणे पुढविकाइएहितो वा', 'आउकाइएहितो वा, तेउकाइएहितो वा, वाउकाइएहिंतो वा, वणस्सइकाइएहिंतो वा, बेइंदिएहिंतो वा, तेइंदिएहितो वा, चउरिदिएहिंतो वा°, पंचिदिएहितो वा उववज्जेज्जा । से चेव णं से पुढविकाइए पुढविकायत्तं विप्पजहमाणे पुढविकाइयत्ताए वा', 'आउ काइयत्ताए वा, तेउकाइयत्ताए बा, वाउकाइयत्ताए वा, वणस्सइकाइयत्ताए वा, बेइंदियत्ताए वा, तेइंदियत्ताए वा, चउरिदियत्ताए वा°, पंचिदियत्ताए वा
गच्छेज्जा ॥ ९. एवमाउकाइयावि जाव पंचिदित्ति ।।
१. सं० पाo---इंदियाइं जाव णिज्झाइत्ता। २. कोडाकोडी (ग) ३. सं० पा०-पुढविकाइया जाव वणस्सइ-
काइया । ४. सं० पा०-बेइंदिया जाव पंचिदिया।
५. पंचिदितत्ति (क, ग)। ६. सं० पा०--पुढविकाइएहितो वा जाव
पंचिदिएहितो। ७. सं० पा०—पुढविकाइयत्ताए वा जाव
पंचिंदियत्ताते।
Jain Education International
For Private & Personal Use Only
www.jainelibrary.org
