________________
सत्तम ठाण
७४३
सममद्धसमं चेव, सव्वत्थ विसमं च जं । तिण्णि वित्तप्पयाराई', चउत्थं णोपलव्भती ॥६॥ सक्कता पागता चेव, 'दोण्णि य भणिति आहिया। सरमंडलंमि गिज्जते, पसत्था इसिभासिता ॥१०॥ केसी गायति' मधुरं ? केसि गायति खरं च रुक्खं च ? केसी गायति चउरं? 'केसि विलंब" ? दुतं केसी ?
विस्सरं पुण केरिसी? ॥११॥ सामा गायइ मधुरं, काली गायइ खरं च रुक्खं च । गोरी गायति चउर, काण विलंबं दुतं अंधा ॥
विस्सरं पुण पिंगला ।।१२।। तंतिसमं तालसम, पादसमं लयसमं महसमं च ! णीससिऊससियसम, संचारसमा सरा सत्त ॥१३॥ सत्त सरा तओ गामा, मुच्छणा एकविसती।
ताणा एगूणपण्णासा, समत्तं सरमंडलं ॥१४॥ कायकिलेस-पदं ४६. सत्तविधे कायकिलेसे पण्णत्ते, तं जहा-ठाणातिए', उक्कुड्यासणिए, पडिमठाई,
वीरासणिए, णेसज्जिए, दंडायतिए, लगंडसाई ।। खेत्त-पव्वय-णदी-पदं ५०. जंबुद्दीवे दोवे सत्त वासा पण्णत्ता, तं जहा-भरहे, एरवते, हेमवते, हेरण्णवते,
हरिवासे, रम्मगवासे, महाविदेहे ।। ५१. जंबद्दीवे दीवे सत्त वासहरपव्वता पण्णत्ता, तं जहा-चुल्लहिमवंते, महाहिमवते,
णिसढे', णीलवंते, रुप्पी, सिहरी, मंदरे ॥ ५२. जवट्टीवे दीवे सत्त महाणदीओ पुरत्थाभिमुहीओ लवणसमुदं समप्पेति",तं जहा--
गंगा, रोहिता, हरी, सीता, णरकंता, सुवण्णकूला रत्ता ।। ५३. जंबहीवे दीवे सत्त महाणदीओ पच्चत्थाभिमुहीओ लवणसमुदं समति, तं
जहा - सिंध, रोहितंसा, हरिकता, सीतोदा, णारिकता", रुप्पकूला, रत्तावतो ।।
१. वित्तप्पयायाई (ख)। २. दुविधा (क, ग)। ३. गातति (क, ख, ग) ! ४. केसी य विलंबियं (अ० सू० ३०७)। ५. वीसती (ख)। ६. ठाणातिते (क, ख, ग)।
७. दंडाततिते (क, ग); दंडातिए (ख) । ८. हरिवंसे (क, ग); अशुद्ध प्रतिभाति । ६. निसभे (क, ग)। १०. समुप्पंति (क, ख, ग)। ११. नारीकता (ख, ग)। १२. रत्तवती (क)।
Jain Education International
For Private & Personal Use Only
www.jainelibrary.org
