________________
ठाणं
२४. एतासि णं सत्तण्डं पुढवीणं सत्त गोत्ता पण्णत्ता, तं जहा-रयणप्पभा, सक्कर
प्पभा, वालुअप्पभा, पंकप्पभा, धूमप्पभा, 'तमा, तमतमा" ॥ बायरवाउकाइय-पद २५. सत्तविहा बायरवाउकाइया पण्णत्ता, तं जहा—पाईणवाते, पडीणवाते', दाहिण
वाते, उदीणवाते, उड्डवाते, अहेवाते, विदिसिवाते । संठाण-पदं २६. सत्त संठाणा पण्णत्ता, तं जहा-दीहे, रहस्से, वट्टे, तंसे, चउरंसे, पिहले,
परिमंडले । भयाण-पदं २७. सत्त भयद्वाणा पण्णत्ता, तं जहा-इहलोगभए', परलोगभए, आदाणभए,
___ अकम्हाभए, वेयणभए, मरणभए, असिलोगभए । छउमत्थ-पदं २८. सत्तहिं ठाणेहि छउमत्थं जाणेज्जा, तं जहा-पाणे अइवाएत्ता भवति । मुसं
वइत्ता भवति । 'अदिण्णं आदित्ता" भवति । सद्दफरिस रसरूवगंधे आसादेत्ता भवति । पूयासक्कार' अणुवूहेत्ता भवति । इमं सावज्जति पण्णवेत्ता पडिसेवेत्ता
भवति । णो जहावादी' तहाकारी' यावि भवति ॥ केवलि-पदं २६. सत्तहि ठाणेहि केवली जाणेज्जा, तं जहा–णो पाणे अइवाइत्ता भवति । णो
मुसं वइत्ता भवति । णो अदिण्णं आदित्ता भवति । णो सद्दफरिसरसरूवगंधे आसादेत्ता भवति । णो पूयासक्कारं अणुवूहेत्ता भवति । इमं सावज्जति पण्ण
वेत्ता णो पडिसेवेत्ता भवति ° । जहावादी तहाकारी यावि भवति ॥ गोत्त-पदं ३०. सत्त मूलगोत्ता पण्णत्ता, तं जहा-कासवा, गोतमा, वच्छा, कोच्छा, कोसिआ,
मंडवा, वासिट्ठा ।। ३१. जे कासवा ते सत्तविधा पण्णत्ता, तं जहा-ते कासवा, ते संडिल्ला, ते गोला,
ते वाला, ते मुंजइणो, ते पव्वतिणो', ते वरिसकण्हा ।।
१. तमप्पभा तमतमप्पभा (क)। २. पाडी (क)। ३. °भते (क, ख, ग)। ४. अदिन्नमदितिता (क, ग)। ५. पूता ° (क, ख, ग)।
६. जधा ° (क, ख, ग)। ७. तधा° (क, ख, ग)। ८. सं० पा०-अइवाइत्ता भवति जाव जधावाती। ६. पव्वपेच्छतिणो (क्व)।
Jain Education International
For Private & Personal Use Only
www.jainelibrary.org
