________________
सत्तमं ठाणं
७३७ ७. आयरिय-उवज्झाए णं गणंसि° पच्चुप्पण्णाणं उवगरणाणं णो सम्म
सारक्खेत्ता संगोवेत्ता भवति ।। पडिमा-पदं
८. सत्त पिडेसणाओ पण्णत्ताओ ॥ ६. सत्त पाणेसणाओ पण्णत्ताओ ।। १०. सत्त उग्गहपडिमाओ पण्णत्ताओ ।। आयारचूला-पदं ११. सत्तसत्तिक्कया पण्णत्ता । १२. सत्त महज्झयणा पण्णत्ता ।। पडिमा-पदं १३. सत्तसत्तमिया णं भिक्खुपडिमा एकूणपण्णत्ताए राइदिएहिं एगेण य छण्णउएणं
भिक्खासतेणं अहासुत्तं' 'अहाअत्थं अहातच्च अहामग्गं अहाकप्पं सम्मं कारण
फासिया पालिया सोहिया तीरिया किट्टिया ° आराहिया' यावि भवति । अहेलोगठिति-पदं १४. अहेलोगे णं सत्त पुढवीओ पप्णत्ताओ ।। १५. सत्त घणोदधीओ पग्णत्ताओ। १६. सत्त घणवाता पण्णत्ता ।। १७. सत्त तणुवाता पण्णत्ता। १८. सत्त ओवासंतरा पण्णत्ता ।। १६. एतेसु णं सत्तसु ओवासंतरेसु सत्त तणुवाया पइट्ठिया ।। २०. एतेसु णं सत्तसु तणुवातेसु सत्त घणवाता पइट्ठिया ।। २१. एतेसु ण सत्तसु घणवातेसु सत्त घणोदधी पतिट्ठिया ।। २२. एतेसु णं सत्तसु घणोदधीसु ‘पिंडलग-पिहुल-संठाण-संठियाओ सत्त पूढवीओ
पण्णत्ताओ, तं जहा-पढमा जाव सत्तमा ।। २३. एतासि णं सत्तण्डं पुढवीणं सत्त णामधेज्जा पण्णता, तं जहा-घम्मा, वंसा,
सेला, अंजणा, रिट्ठा, मघा, माघवती ।।
१. अहासुत्ता (क, ख, ग); सं. पा०- अहासुत्तं
जाव आराहिया। २. समवायाङ्ग (४६।१) 'आणाए आराहिया'
पाठोऽस्ति।
३. छत्तातिछत्तसंठाणसंठियाओ (): पिंडलगपिहुलसंठाणसंठिआओ, पिहुलपिहुलसंठाणसंठियाओ (वृपा) ।
Jain Education International
For Private & Personal Use Only
www.jainelibrary.org
