________________
ठाणं
भिक्खाग-पदं ५५३. चत्तारि पक्खी पण्णत्ता, तं जहा-णिवतित्ता णाममेगे णो परिवइत्ता, परिवइत्ता
णाममेगे णो णिवतित्ता, एगे णिवतित्तावि परिवइत्तावि, एगे णो णिवतित्ता णो परिवइत्ता। एवामेव चत्तारि पुरिसजाया पण्णत्ता, तं जहा—णिवतित्ता णाममेगे णो परिवइत्ता, परिवइत्ता णाममेगे णो णिवतित्ता, एगे णिवतित्तावि परिवइत्तावि,
एगे णो णिवतित्ता णो परिवइत्ता ।। णिक्कट्ठ-अणिक्कट्ठ-पदं ५५४. चतारि पुरिसजाया पण्णत्ता, तं जहा--णिक्कटे णाममेगे णिक्कटे, णिक्कटे
णाममेगे अणिक्कटे, अणिक्कट्ठे णाममेगे णिक्कटे, अणिक्कट्ठे णाममेगे
अणिक्कटे || ५५५. चत्तारि पुरिसजाया पण्णत्ता, तं जहा --णिक्कट्ठे णाममेगे णिक्कट्टप्पा, णिक्कट्रे
णाममेगे अणिक्कट्टप्पा, अणिक्कट्ठे णाममेगे णिक्कट्ठप्पा, अणिक्कट्ठ णाममेगे
अणिक्कट्ठप्पा ।। बुध-अबुध-पदं ५५६. गत्तारि पुरिसजाया पण्णत्ता, तं जहा–बुहे णाममेगे बुहे, बुहे णाममेगे अबुहे,
अबुहे णाममेगे बुहे, अबुहे णाममेगे अबुहे ।। ५५७. चत्तारि पुरिसजाया पण्णत्ता, तं जहा--बुधे णाममेगे बुधहियए', बुधे णाममेगे
अबुधहियए, अबुधे णाममेगे बुधहियए, अबुधे णाममेगे अबुधहियए । अणुकंपग-पदं ५५८. चत्तारि पुरिसजाया पण्णत्ता, तं जहा-आयाणुकंपए णाममेगे णो पराणुकंपए,
पराणुकपए णाममेगे णो आयाणुकंपए, एगे आयाणुकंपएवि पराणुकंपएवि, एगे
णो आयाणुकंपए णो पराणुकंपए। संवास-पदं ५५६. चउविहे संवासे पण्णत्ते, तं जहा-दिव्वे, आसुरे, रक्खसे, माणुसे ।। ५६०. चउव्विहे संवासे पण्णत्ते, तं जहा-देवे णाममेगे देवीए सद्धि संवासं गच्छति,
देवे णाममेगे असुरीए सद्धि संवासं गच्छति, असुरे णाममेगे देवीए सद्धि संवासं
गच्छति, असुरे णाममेगे असुरीए सद्धि संवासं गच्छति ॥ ५६१. चउम्विधे संवासे पण्णत्ते, तं जहा-देवे णाममेगे देवीए सद्धि संवासं गच्छति,
१. बुहबोहिए (ख)।
Jain Education International
For Private & Personal Use Only
www.jainelibrary.org
