________________
ठाणं
दसवासाइं भावेति । जिम्मे णं महामेहे बहूहि वासेहिं एगं वासं भावेति वा ण
वा भावेति ।। आयरिय-पदं ५४१. चत्तारि करंडगा पण्णत्ता, तं जहा–सोवागकरंडए, वेसियाकरंडए, गाहावति
करंडए, रायकरंडए। एवामेव चत्तारि आयरिया पण्णत्ता, तं जहा--सोवागकरंडगसमाणे, वेसियाकर
डगसमाणे, गाहावतिकरंडगसमाणे, रायकरंडगसमाणे ॥ ५४२. चत्तारि रुक्खा पण्णत्ता, तं जहा-साले णाममेगे सालपरियाए, साले णाममेगे
एरंडपरियाए, एरंडे णाममेगे सालपरियाए, एरंडे णाममेगे एरंडपरियाए। एवामेव चत्तारि आयरिया पण्णत्ता, तं जहा-साले णाममेगे सालपरियाए, साले णाममेगे एरंडपरियाए, एरंडे णाममेगे सालपरियाए, एरंडे णाममेगे
एरंडपरियाए । ५४३. चत्तारि रुक्खा पण्णत्ता, तं जहा-साले गाममेगे सालपरिवारे, साले णाममेगे
एरंडपरिवारे. एरंडे णाममेगे सालपरिवारे, एरंडे णाममेगे एरंडपरिवारे।। एवामेव चत्तारि आयरिया पण्णत्ता, तं जहा-साले णाममेगे सालपरिवारे, साले णाममेगे एरंडपरिवारे, एरंडे णाममेगे सालपरिवारे, एरंडे णाममेगे
एरंडपरिवारे। संगहणी-गाहा
सालदुममज्झयारे, जह साले णाम होइ दुमराया। इय सुंदरआयरिए, सुंदरसीसे मुणयध्वे ॥१॥ एरंडमझयारे, जह साले णाम होइ दुमराया। इय सुंदरआयरिए, मंगुलसीसे मुणेयव्वे ॥२॥ सालदुममझयारे, एरंडे णाम होइ दुमराया। इय मंगुलआयरिए, सुंदरसीसे मुणेयब्वे ॥३॥ एरंडमझयारे, एरंडे णाम होइ दुमराया।
इय मंगुलआयरिए, मंगुलसीसे मुणेयव्वे ।।४।। भिक्खाग-पदं ५४४. चत्तारि मच्छा पण्णत्ता, तं जहा-अणुसोयचारी, पडिसोयचारी, अंतचारी,
मज्झचारी। एवामेव चत्तारि भिक्खागा पण्णत्ता, तं जहा-अणुसोयचारी, पडिसोयचारी, अंतचारी, मज्झचारी॥
Jain Education International
For Private & Personal Use Only
www.jainelibrary.org
