________________
६००
ठाणे
एवामेव चत्तारि पुरिसजाया पण्णत्ता, तं जहा—सुई णामं एगे सुइरूवे, सुई
णाम एगे असुइरूवे, असुई णामं एगे सुइरूवे, असुई णामं एगे असुइरूवे ॥ ४८. चत्तारि पुरिसजाया पण्णत्ता, तं जहा-सुई णामं एगे सुइमणे, सुई णाम एगे
असुइमणे, असुई णाम एगे सुइमणे, असुई णामं एगे असुइमणे ।। ४६. चत्तारि पुरिसजाया पण्णत्ता, तं जहा-सुई णाम एगे सुइसंकप्पे, सुई णामं एगे
असुइसंकप्पे, असुई णाम एगे सुइसंकप्पे, असुई णाम एगे असुइसंकप्पे ॥ ५०. चत्तारि पुरिसजाया पण्णत्ता, तं जहा–सुई णामं एगे सुइपणे, सुई णाम एगे
असुइपण्णे, असुई णामं एगे सुइपण्णे, असुई णाम एगे असुइपणे ।।। ५१. चत्तारि पुरिसजाया पणत्ता, तं जहा–सुई णामं एगे सुइदिट्ठी, सुई णामं एगे
असुइदिट्ठी, असुई णामं एगे सुइदिट्ठी, असुई णामं एगे असुइदिट्ठी ॥ ५१. चत्तारि पुरिसजाया पण्णत्ता, तं जहा-सुई णामं एगे सुइसीलाचारे, सुई णामं
एगे असुइसीलाचारे, असुई णामं एगे सुइसोलाचारे, असुई णाम एगे
असुइसीलाचारे ।। ५३. चत्तारि पुरिसजाया पण्णत्ता, तं जहा - सुई णामं एगे सुइववहारे, सुई णामं
एगे असुइववहारे, असुई णामं एगे सुइववहारे, असुई णाम एगे असुइववहारे ।। ५४. चत्तारि पुरिसजाया पण्णत्ता, तं जहा-सुई णामं एगे सुइपरक्कमे, सुई णाम
एगे असुइपरक्कमे, असुई णामं एगे सुइपरक्कमे, असुई णामं एगे
असुइपरक्कमे° ॥ कोरव-पदं ५५. चत्तारि कोरवा पण्णता, तं जहा-अंबपलबकोरवे, तालपलबकोरवे, वल्लि
पलबकोरवे, मेंढविसाणकोरवे । एवामेव चत्तारि पुरिसजाया पण्णत्ता, तं जहा--अंबपलबकोरवसमाणे, ताल
पलवकोरवसमाणे, बल्लिपलबकोरवसमाणे, मेंढविसाणकोरवसमाणे ॥ भिक्खाग-पदं ५६. चत्तारि घुणा पण्णत्ता, तं जहा-तयक्खाए', छल्लिक्खाए, कटुक्खाए,
सारक्खाए। एवामेव चत्तारि भिक्खागा पण्णत्ता, तं जहा--तयक्खायसमाणे', 'छल्लिक्खायसमाणे, कटुक्खायसमाणे °, सारक्खायसमाणे । १. तयक्खायसमाणस्स णं भिक्खागस्स सारक्खायसमाणे तवे पण्णत्ते । २. सारक्खायसमाणस्स णं भिक्खागस्स तयक्खायसमाणे तवे पण्णत्ते।
१.
खाते (क, ख, ग)।
२. सं० पा०-- तयक्खायसमाणे जाव सारक्खाय
समाणे।
Jain Education International
For Private & Personal Use Only
www.jainelibrary.org
