Page Text
________________
चउत्थं ठाणं (पढमो उद्देसो)
५९६
णाम
३८. चत्तारि पुरिसजाया पणत्ता, तं जहा--सच्चे णाम एगे सच्चमणे, सच्चे णाम
एगे असच्चमणे, असच्चे णामं एगे सच्चमणे, असच्चे णामं एगे असच्चभणे ॥ ३६. चत्तारि पुरिसजाया पण्णत्ता, तं जहा-सच्चे णाम एगे सच्चसंकप्पे, सच्चे
असच्चसंकप्पे, असच्चे णामं एगे सच्चसंकप्पे, असच्चे णाम एगे असच्चसंकप्पे ।। ४०. चत्तारि पुरिसजाया पण्णत्ता, तं जहा सच्चे णाम एगे सच्चपण्णे, सच्चे णाम
एगे असच्चपण्णे, असच्चे णामं एगे सच्चपण्णे, असच्चे णामं एगे असच्चपण्णे ।। ४१. चत्तारि पुरिसजाया पण्णत्ता, तं जहा–सच्चे णामं एगे सच्चदिट्ठी, सच्चे णाम
एगे असच्चदिट्ठी, असच्चे णामं एगे सच्चदिट्ठी, असच्चे णाम एगे असच्चदिट्ठी ।। ४२. चत्तारि पुरिसजाया पण्णत्ता, तं जहा---सच्चे णामं एगे सच्चसीलाचारे, सच्चे
णाम एगे असच्चसीलाचारे, असच्चे णामं एगे सच्चसीलाचारे, असच्चे णामं
एगे असच्चसीलाचारे ।। ४३. चत्तारि परिसजाया पणत्ता, तं जहा-सच्चे णामंएगे सच्चववहारे, सच्चे
णामं एगे असच्चववहारे, असच्चे णाम एगे सच्चववहारे, असच्चे णामं एगे
असच्चववहारे ।। ४४. चत्तारि पुरिसजाया पण्णत्ता, तं जहा—सच्चे णाम एगे सच्चपरक्कमे, सच्चे
णामं एगे असच्चपरक्कमे, असच्चे णाम एगे सच्चपरकमे, असच्चे णामं एगे
असच्चपरक्कमे ॥ सुचि-असुचि-पदं ४५. चत्तारि वत्था पण्णत्ता, तं जहा-सुई' णामं एगे सुई, सुई णामं एगे असुई,
"असुई णामं एगे सुई, असुई णामं एगे असुई ° ॥ एवामेव चत्तारि पुरिसजाया पण्णत्ता, तं जहा -सुई णामं एगे सुई, “सुई णाम
एगे असुई, असुई णामं एगे सुई, असुई णाम एगे असुई ।। ४६. चत्तारि वत्था पण्णत्ता, तं जहा-सुई णामं एगे सुइपरिणते, सुई णाम एगे
असुइपरिणते, असुई णाम एगे सुइपरिणते, असुई णाम एगे असुइपरिणते ।। एवामेव चत्तारि पुरिसजाया पण्णत्ता, तं जहा—सुई णामं एगे सुइपरिणते, सुई पाम एगे असुइपरिणते, असुई णामं एगे सुइपरिणते, असुई णाम एगे
असुइपरिणते ॥ ४७. चत्तारि वत्था पण्णत्ता, तं जहा–सुई णाम एगे सुइरूवे, सुई णामं एगे असुइ
रूवे, असुई णाम एगे सुइरूवे, असुई णामं एगे असुइरूवे ।
१. सुती (क, ख, ग)। २. सं० पा०-चउभंगो।
३. सं. पा०-चउभंगो एवं जहेव सुद्धणं वत्थेणं
भणितं तहेव सुतिणावि जाव परक्कमे ।
Jain Education International
For Private & Personal Use Only
www.jainelibrary.org
| SR No. | 003559 |
| Book Title | Agam 03 Ang 03 Sthanang Sutra Thanam Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 472 |
| Language | Prakrit |
| Classification | Book_Devnagari, Agam, Canon, & agam_sthanang |
| File Size | 8 MB |