________________
इयं ठाणं ( पढमी उद्देसो)
५५३
१३२. तओ लोगे समा सर्पाक्खि सपडिदिसि पण्णत्ता, तं जहा- सीमंतए णं णरए, समयकखेत्ते, ईसीप भारा पुढवी ||
समुद्द-पदं
१३३. तओ समुद्दा पगईए उदगरसेणं पण्णत्ता, तं जहा- कालोदे, पुक्खरोदे, भुरणे ॥
१३४. तओ समुद्दा बहुमच्छकच्छभाइण्णा पण्णत्ता, तं जहा - लवणे, कालोदे, सयंभुरमणे |
उववाय-पदं
१३५. तओ लोगे णिस्सीला णिव्वता णिग्गुणा णिम्मेरा णिप्पच्चक्खाणपोसहोदवासा कालमासे कालं किच्चा आहेसत्तमाए पुढवीए अप्पतिट्ठाणे गरए णेरइयत्ताए उववज्जति, तं जहा - रायाणो, मंडलीया, जे य महारंभा कोडुंबी ॥ १३६. तओ लोए सुसीला सुव्वया सग्गुणा समेरा सपच्चवखाणपोसहोववासा कालमासे कालं किच्चा सव्वद्धसिद्धे विमाणे देवत्ताए उववत्तारो भवंति, तं जहा - रायाणो परिचत्तकामभोगा, सेणावती, पसत्थारो ॥
विमाण-पदं
१३७. बंभलोग- लंतएसु णं कप्पेसु विमाणा तिवण्णा पण्णत्ता, तं जहा - किण्हा, जीला, लोहिया ॥
देव-पदं
१३८. आणयपाणया रणच्चुतेसु णं कप्पेसु देवाणं भवधारणिज्जसरीरंगा उक्को सेणं तिष्णि रयणीओ उड्ढ उच्चत्तेणं पण्णत्ता ॥
पण्णत्त-पदं
१३६. तओ पण्णत्तीओ कालेणं अहिज्जति तं जहा - चंदपण्णत्ती, सूरपण्णत्ती, दीवसागरपण्णत्ती ॥
बीओ उद्देसो
लोग-पदं
१४०. तिविहे लोगे पण्णत्ते, तं जहा -- णामलोगे, ठवणलोगे, दव्वलोगे ॥ १४१. तिविहे लोगे पण्णत्ते, तं जहा - पाणलोगे, दंसणलोगे, चरितलोगे ||
१. × (क, ग ) ।
Jain Education International
२. उदगरसा (क, ख ) ।
For Private & Personal Use Only
www.jainelibrary.org
