________________
५५.२
ठाणं
उत्तमपुरिया उपज्जिसु वा उप्पज्जेति वा उप्पज्जिस्संति वा, तं जहाअरहंता, चक्कवट्टी, बलदेववासुदेवा ||
१२०. एवं जाव पुक्खरवर दीवद्धपच्चत्थिमद्धे ॥
आउय-पदं
१२१. तओ आहाउयं पालयति तं जहा - अरहंता, चक्कवट्टी, बलदेववासुदेवा ॥ १२२. तओ मज्झिममाउयं पालयंति, तं जहा - अरहंता, चक्कवट्टी, बलदेववासुदेवा ॥ १२३. बायरते उकाइयाणं उक्कोसेणं तिष्णि राइंदियाइं ठिती पण्णत्ता ॥ १२४. वायरवाउकाइयाणं उक्कोसेणं तिष्णि वाससहस्साई ठिती पण्णत्ता ॥
जोणि-ठिइ-पदं
१२५. अह भंते ! सालीणं वीहीणं गोधूमाणं जवाणं जवजवाणं - एतेसि णं धण्णाणं कोट्टाउत्ताणं पल्ला उत्ताणं मंचाउत्ताणं मालाउत्ताणं ओलित्ताणं लित्ताणं छियाणं मुद्दियाणं पिहिताणं केवइयं कालं जोणी संचिट्ठति ?
जहणेणं अंतोमुहुत्तं, उक्कोसेणं तिणि संवच्छराई । तेण परं जोणी पमिलायति । तेण परं जोणी' पविद्धंसति । तेण परं जोणी विद्धंसति । तेण परं बीए अबीए भवति । तेण परं जोणीवोच्छेदे पण्णत्ते ॥
रय-पदं
१२६. दोच्चाए णं सक्करप्पभाए पुढवीए णेरइयाणं उक्कोसेणं तिणि सागरोवमाई ठिती पण्णत्ता ||
१२७. तच्चाए णं वालुयप्पभाए पुढवीए जहणेणं णेरइयाणं तिष्णि सागरोवमाइं ठिती पण्णत्ता ||
१२८. पंचमाए गं धूमप्पभाए पुढवीए तिष्णि णिरयावासस्यसहस्सा पण्णत्ता ॥ १२६. तिसु णं पुढवीसु णेरइयाणं उसिणवेयणा पण्णत्ता, तं जहा- पढमाए, दोच्चाए,
तच्चाए ॥
१३०. तिसु णं पुढवीसु णेरइया उसिणवेयणं पच्चणुभवमाणा विहरंति, तं जहा -- पढमाए, दोच्चाए, तच्चाए ॥
सम- पर्द
१३१. तओ लोगे समा सर्पक्खि सपडिदिसिं पण्णत्ता, तं जहा - अप्पइट्ठाणे णरए, जंबुद्दीवेदी, सव्वट्टसिद्धे विमाणे ।
१. उप्पज्जं ( क ) 1
२. ठा० ३।१०८।
Jain Education International
३. पार्लेति (क, ग ) । ४. जोणि ( ग ) ।
For Private & Personal Use Only
www.jainelibrary.org
