________________
बीअं ठाणं (चउत्थी उद्देसो)
५३६
४५५. दोसु कप्पेसु देवा तेउलेस्सा पण्णत्ता, तं जहा- सोहम्मे चेव, ईसाणे चेव || ४५६. दोसु कम्पेसु देवा कायपरियारगा पण्णत्ता, तं जहा- सोहम्मे चेव, ईसाणे चैव ॥ ४५७. दोसु कप्पेसु देवा फासपरियारगा पण्णत्ता, तं जहा - सणकुमारे चेव,
माहिदे चैव ॥
४५८. दोसु कप्पेसु देवा रूयपरियारगा पण्णत्ता, तं जहा -- बंभलोगे चेव, लंलगे चेव ॥ ४५६. दोसु कप्पेसु देवा सद्दपरियारगा पण्णत्ता, तं जहा - महासुक्के चैव, सहस्सारे चेव ||
४६०. दो इंदा मण परियारगा पण्णत्ता, तं जहा -- पाणए चेव, अच्चुए चैव ॥
पावकम्म- पर्द
o
४६१. जीवाण दुट्ठाणणिव्वत्तिए पोग्गले पावकम्मत्ताए चिणिसु वा चिगंति वा चिणिस्संति वा, तं जहा ---तसकायणिव्वत्तिए चेव, यावर कायणिव्वत्तिए चैव ॥ ४६२. "जीवा णं दुट्ठाणणिव्वत्तिए पोग्गले पावकम्मत्ताए उवचिणिसु वा उवचिणंति वा उवचिणिस्संति वा, बंधिसु वा बंधेति वा बंधिस्संति वा, उदीरिसु वा उदीरति वा उदीरिस्संति वा, वेदसु वा वेदेति वा वेदिस्संति वा, णिज्जरिसु वाणिज्जरेंति वा णिज्जरिस्संति वा, तं जहा --तसकायणिव्वत्तिए चेव, थावर कायणिव्वत्तिए चेव !!
पोग्गल-पदं
४६३. दुपएसिया खंधा अनंता पण्णत्ता ॥
४६४. दुपदेसोगाढा पोग्गला अनंता पण्णत्ता ॥ ४६५. एवं जाव' दुगुणलुक्खा पोग्गला अनंता पण्णत्ता ||
१. सं० पा० - एवं
Jain Education International
२. ठा० १।२५५, २५६ ।
For Private & Personal Use Only
www.jainelibrary.org
