________________
ठाण
४३९. दो तित्थगरा पियंगुसामा वण्णेणं पण्णत्ता, तं जहा-मल्ली चेव, पासे चेव ॥ ४४०. दो तित्थगरा पउमगोरा वण्णेणं पण्णत्ता, तं जहा- पउमप्पहे चेव,
बासुपुज्जे चेव ॥ ४४१. दो तित्थगरा चंदगोरा वणेणं पण्णत्ता, तं जहा-चंदप्पभे चेव, पुप्फदंते' चेव ।। पुव्ववत्थु-पदं ४४२. सच्चप्पवायपुव्वस्स णं दुवे वत्थू पण्णत्ता ॥ णक्खत्त-पदं ४४३. पुव्वाभवयाणक्खत्ते दुतारे पण्णत्ते ।। ४४४. 'उत्तराभवयाणवखत्ते दुतारे पण्णत्ते ।। ४४५. “पुवफग्गुणीणवखत्ते दुतारे पण्णत्ते ।। ४४६. उत्तराफग्गुणीणवखत्ते दुतारे पण्णत्ते ।। समुद्द-पदं ४४७. अंतो णं मणुस्सखेत्तस्स दो समुद्दा पण्णत्ता, तं जहा- लवणे चेव, कालोदे चेव ।। चक्क ट्रि-पदं ४४८. दो चक्कवट्टी अपरिचत्तकामभोगा कालमासे कालं किच्चा अहेसत्तमाए
पुढवीए अपइट्ठाणे णरए णेरइयत्ताए उववण्णा, तं जहा-सुभूमे चेव,
बंभदत्ते चेव ।। देव-पदं ४४६. असुरिंदवज्जियाणं भवणवासीण देवाणं उक्कोसेणं देसूणाई दो पलिओवमाई
ठिती पण्णत्ता॥ ४५०. सोहम्मे कप्पे देवाणं उक्कोसेणं दो सागरोवमाई ठिती पण्णत्ता। ४५१. ईसाणे कप्पे देवाणं उक्कोसेणं सातिरेगाई दो सागरोवमाइं ठिती पण्णत्ता ।। ४५२. सणकुमारे कप्पे देवाणं जहाणेणं दो सागरोवमाई ठिती पण्णत्ता ।। ४५३. माहिदे कप्पे देवाणं जहण्णेणं साइरेगाइं दो सागरोवमाई ठिती पण्णत्ता ॥ ४५४. दोसु कप्पेसु कप्पित्थियाओ पण्णत्ताओ, तं जहा-सोहम्मे चेव, ईसाणे चेव ।।
१. °समा (क)। २. पासो (ग)। ३. वासपुज्जे (क, ग)। ४. पुष्प (क, ग)। ५. वत्थू पं सुभनामे चेव असुभनामे चेव (क)।
६. पुव ° (ख)। ७. उत्तर ° (ख); X (ग)।
. सं० पा०--एवं पुटवफरगुणी उत्तराफग्गुणी। ६. पू०-ठा० १११४३-१५१ ।
Jain Education International
For Private & Personal Use Only
www.jainelibrary.org
