________________
तइयं अज्झयणं (आहारपरिण्णा)
उब्भिज्जमाणे इत्थि वेगया जणयंति, पुरिसं वेगया जणयंति, गपुसगं वेगया जणयति । ते जीवा डहरा समाणा वाउकायमाहारेति, अणुपुवेणं वुड्डा वणस्स इकायं तसथावरे य पाणे-ते जीवा आहारेति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तसथावराणं पाणाणं सरीरं अचित्तं कुम्वति । परिविद्धत्थं तं सरीरं पुवाहारियं तयाहारियं विपरिणयं सारूविकडं संतं सव्वप्पणत्ताए आहारेति ?] । अवरे वि य णं तेसिं णाणाविहाणं भयपरिसप्पपंचिदियथलचरतिरिक्खजोणियाणं गोहाणं ण उलाणं सेहाणं सरडाणं सल्लाणं सरवाणं खाराणं घरकोइलियाणं विस्संभ राणं मूसगाणं मंगुसाणं पयलाइयाणं विरालियाणं जाहाणं चाउप्पाइयाणं सरीरा णाणावण्णा णाणागंधा णाणारसा णाणाफासा णाणासंठाणसंठिया जाणाविहसरीरपोग्गलविउविया। ते जीवा कम्मोववण्णगा
भवंति त्ति मक्खायं ।। खहचरस्स आहार-पदं ८१. अहावरं पुरक्खायं–णाणाविहाणं खहचरपंचिदियतिरिक्खजोणियाणं',
तं जहा–चम्मपक्खीणं लोमपक्खोणं समुग्गपक्खीणं विततपक्खीणं । तेसि च णं अहावीएणं अहावगासेणं इत्थीए "पुरिसस्स य कम्मकडाए जोणिए, एत्थ णं मेहुणवत्तियाए णामं संजोगे समुप्पज्जइ । ते दुहओ वि सिणेहं संचिणंति । तत्थ णं जीवा इत्थित्ताए पुरिसत्ताए णपुंसगत्ताए विउम॒ति । ते जीवा माउओयं पिउसुक्कं तदुभय-संसट्ठ कलुसं किब्बिसं तप्पढमयाए आहारमाहारेंति । तओ पच्छा जं से माया णाणाविहाओ रसवईओ आहारमाहारेति, तओ एगदेसेणं ओयमाहारेति । अणुपुब्वेणं वुड्डा पलिपागमणुपवण्णा, तओ कायाओ अभिणिवट्टमाणा अंडं वेगया जणयंति, पोयं वेगया जणयंति । से अंडे उब्भिज्जमाणे इत्थि वेगया जणयंति, पुरिसं वेगया जणयंति, णसगं वेगया जणयंति । ते जीवा डहरा समाणा माउगायसिणेहमाहारैति, अणुपुव्वेणं बुड्डा वणस्सइकायं तसथावरे य पाणे-ते जीवा आहारेति पुढविसरीर' 'आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तसथावराणं पाणाणं सरीरं अचित्तं कुवंति। परिविद्धत्थं तं सरीरं पुवाहारियं तयाहारियं विपरिणयं सारूविकडं ° संतं [सव्वप्पणत्ताए आहारेंति ?] ।
१. सं० पा०-गोहाणं जाव मक्खायं । २. खचर ° (क)। ३. सं० पा०—जहा उरपरिसप्पाणं नाणतं० ।
४. पुवेणं च णं (क)। ५. सं० पा०—पुढविसरीरं जाव संत।
Jain Education International
For Private & Personal Use Only
www.jainelibrary.org
