________________
४३८
सूयगडो २ मेहुणवत्तियाए णामं संजोगे समुप्पज्जइ। ते दुहओ वि सिणेहं संचिणंति । तत्थ णं जीवा इत्थित्ताए पुरिसत्ताए णपुसगत्ताए विउति ।। ते जीवा माउओयं पिउसुक्कं तदुभय-संसटुं कलुसं किब्बिसं तप्पढमयाए आहारमाहारेति ! तओ पच्छा जं से माया णाणाविहाओ रसवईओ आहारमाहारेति, तओ एगदेसेणं ओयमाहारेति। अणुपुत्वेणं वुड्डा पलिपागमणुपवण्णा, तओ कायाओ अभिणिवट्टमाणा ° अंडं वेगया जणयंति, पोयं वेगया जयंति । से अंडे उब्भिज्जमाणे इत्थि वेगया जणयंति, पुरिसं 'वेगया जणयंति', गपुंसगं 'वेगया जणयंति। ते जीवा डहरा समाणा वाउकायमाहारंति, अणुपुत्वेणं वुड्डा वर्णस्सइकायं तसथावरे य पाणे-ते जीवा आहारति पढविसरीरं 'आउसरीर तेउसरीरं वाउसरीरं वणस्सइसरीरं तसपाणसरीरं । गाणाविहाणं तसथावराणं पाणाणं सरीरं अचित्तं कुव्वंति। परिविद्धत्थं तं सरीरं पुवाहारियं तयाहारियं विपरिणयं सारूविकडं ° संत [ सव्वप्पणत्ताए आहारेंति ?] । अवरे वि य णं तेसिं णाणाविहाणं उरपरिसप्पथलचरपंचिदियतिरिक्खजोणियाणं अहीणं अवगराणं आसालियाणं° महोरगाणं सरीरा गाणावण्णा *णाणागंधा णाणारसा णाणाफासा णाणासंठाणसंठिया णाणाविहसरीरपोग्गल
विउव्विया । ते जीवा कम्मोववष्णगा भवंति त्ति ° मक्खायं । भुयपरिसप्पथलचरस्स आहार-पदं ८०. अहावरं पुरवखायं-णाणाविहाणं भुयपरिसप्पथलचरपंचिदियतिरिक्खजोणि
याणं, तं जहा-गोहाणं णउलाणं सेहाणं सरडाणं सल्लाणं सरवाणं खाराणं घरकोइलियाण विस्संभराणं मूसगाणं मंगुसाणं पयलाइयाणं विरालियाणं जाहाणं चाउप्पाइयाणं । तेसिं च णं अहाबीएणं अहावगासेणं इत्थीए परिसस्स य *कम्मकडाए जोणिए, एत्थ णं मेहुणवत्तियाए णामं संजोगे समुप्पज्जइ । ते दहओ वि सिणेहं संचिणंति । तत्थ णं जीवा इत्थित्ताए पुरिसत्ताए गपुंसगत्ताए विउद॒ति । ते जीवा माउओयं पिउसुक्कं तदुभय-संसटुं कलुसं किब्बिसं तप्पढमयाए आहारमाहारेति । तओ पच्छा जं से माया णाणाविहाओ रसवईओ आहारमाहारेति, तओ एगदेसेणं ओयमाहारेति । अणुपुव्वेणं वुड्डा पलिपागमणुपवण्णा, तओ कायाओ अभिणिवट्टमाणा अंडं वेगया जणयंति, पोयं वेगया जणयंति । से अंडे
१,२. पि (क, ख)। ३. स० पा०-पुढविसरीरं जाव संत । ४. सं० पा०-अहीणं जाव महोरगाणं ५. सं० पा०–णाणावण्णा जाव मक्खायं ।
६. घरकोल्लि (क)। ७. सं० पा०--जहा उरपरिसप्पाणं तहा
भागियव्वं जाव सारूविकडं।
Jain Education International
For Private & Personal Use Only
www.jainelibrary.org
