Page Text
________________
४३४
सूयगड २
तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कमा हरियजोणिएहिं मूलेहिं कंदेहि खंधेहिं तयाहि सालाहि पवालेहिं पत्तेहिं पुप्फे हिं फलेहिं बीएहिं तसपाणत्ताए विउट्टंति ।
-
ते जीवा तेसि हरियजोणियाणं मूलाणं कंदाणं खंधाणं तयाणं सालाणं पवालाणं पत्ताणं पुप्फाणं फलाणं बीयाणं सिणेहमाहारेति ते जीवा आहारति ढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तस्थावराणं पाणाणं सरीरं अचित्तं कुब्वंति । परिविद्धत्थं तं सरीरं पुण्वाहारियं तयाहारियं विपरिणयं सारूविकडं संतं [ सव्वप्यणत्ताए आहारेति ? ] ।
अवरे वि य णं तेसि मूलजोणियाणं कंदजोणियाणं खंधजोणियाणं तयजोणियाणं सालजोणियाणं पवालजोणियाणं पत्तजोणियाणं पुप्फजोणियाणं फलजोणियाणं बीयजोणियाणं तसपाणाणं सरीरा णाणावण्णा णाणागंधा णाणारसा गाणाफासा णाणासंठाणसंठिया णाणाविहसरीरपोग्गलविउब्विया । ते जीवा कम्मोववणगा भवंति त्ति मवखायं ॥
सेवालादिजोणिय तसपाणस्स आहार पदं
७५. अहावरं पुरक्खायं - इहेगइया सत्ता उदगजोणिया उदगसंभवा उदगवक्कमा, तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कम्मा उदगजोणिएहिं उदगेहिं अवगेहिं पणगेहिं सेवालेहि कलंबुगेहिं हढेहि कसेरुगेहि कच्छभाणिएहि उप्पलेहिं परमेहिं कुमुएहिं णलिणेहिं सुभगेहिं सोगंधिएहि पोंडरीएहि महापोंडरीएहिं सयपत्तेहि सहस्सपत्तेहि कल्हारेहि कोकणएहि अरविदेहि तामरसेहि भिसेहि भिसमुणालेहिं पुक्खलेहिं पुक्खलच्छिभगेहि तस पाणत्ताए विउति |
ते जीवा तेसि उदगजोणियाणं उदगाणं अवगाणं पणगाणं सेवालाणं कलंबुगाणं हढाणं कसेरुगाणं कच्छभाणियाणं उप्पलाणं परमाणं कुमुयाणं णलिणाणं सुभगाणं सोगंधियाणं पोंडरीयाणं महापोंडरीयाणं सयपत्ताणं सहस्सपत्ताणं कल्हाराणं कोकणयाणं अरविदाणं तामरसाणं भिसाणं भिसमुणालाणं पुक्खलाणं पुक्खल च्छिभगाणं सिणेहमाहारेंति - ते जीवा आहारेति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तस्थावराणं पाणाणं सरीरं अचित्तं कुव्वंति । परिविद्धत्थं तं सरीरं पुव्वाहारियं तयाहारियं विपरिणयं सारूविकडं संतं [ सव्वप्पणत्ताए आहारेति ? ] ।
अवरे वि य णं तेसि उदगजोणियाणं अवगजोणियाणं पणगजोणियाणं सेवालजोणियाणं कलंबुगजोणियाणं हृढजोणियाणं कसेरुगजोणियाणं कच्छभाणिय
Jain Education International
For Private & Personal Use Only
1
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |