________________
४०६
सूयगडो २ णाणारसा णाणाफासा णाणासंठाणसंठिया णाणाविहसरीरपोग्गलविउव्विया ।
ते जीवा कम्मोववण्णगा भवंति त्ति मक्खायं ॥ ५. अहावरं पुरक्खायं—इहेगइया सत्ता रुक्खजोणिया रुक्खसंभवा रुक्खवक्कमा,
तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कमा रुक्खजोणिएसु रुक्खेसु मूलत्ताए कंदत्ताए खंधत्ताए तयत्ताए सालत्ताए पवालताए पत्तत्ताए पुप्फत्ताए फलत्ताए बीयत्ताए विउटुंति । ते जीवा तेसि रुक्खजोणियाणं रुक्खाणं सिणेहमाहारेंति-ते जीवा आहारेंति पुढविसरीरं आउसरीरं तेउसरीरं वाउसरीरं वणस्स इसरीरं [तसपाणसरीरं? 1 गाणाविहाणं तसथावराणं पाणाणं सरीरं अचित्तं कुव्वंति । परिविद्धत्थं तं सरीरं 'पुव्वाहारियं तयाहारियं विपरिणयं° सारूविकडं संतं [सव्वप्पणत्ताए आहारेंति ?] । अवरे वि य णं सि रुक्खजोणियाणं मूलाणं कंदाणं खंधाणं तयाणं सालाणं पवालाणं' 'पत्ताणं पुप्फाणं फलाणं' बीयाणं सरीरा णाणावण्णा गाणागंधा' *णाणारसा णाणाफासा णाणासंठाणसंठिया °णाणाविहसरीरपोग्गलविउव्विया।
ते जीवा कम्मोववण्णगा भवंति त्ति मक्खायं ।। अज्झारोहरुक्खस्स आहार-पदं ६. अहावरं पुरक्खायं--इहेगइया सत्ता रुक्खजोणिया रुक्खसंभवा रुक्खवक्कमा,
तज्जोगिया तस्संभवा तव्वक्कमा, कम्मोवगा कम्मणियाणेणं तत्थवक्कमा रुक्खजोणिएहि रुक्खेहि अज्झारोहत्ताए" विउद॒ति । ते जीवा तेसि रुक्खजोणियाणं रुक्खाणं सिणेहमाहारेंति-ते जीवा आहारेंति पढविसरीरं 'आउसरीरं तेउसरीरं वाउसरीरं वणस्सइसरीरं [तसपाणसरीरं ? ] । णाणाविहाणं तसथावराणं पाणाणं सरीरं अचित्तं कुव्वंति । परिविद्धत्थ तं सरीरं पुवाहारियं तयाहारियं विपरिणयं° सारूविकडं संतं [सव्वप्पणत्ताए आहारेति ?] अवरे वि य णं तेसि रुक्खजोणियाणं अज्झारोहाणं सरीरा णाणावण्णा' णाणा
रसा जाणाफासा णाणासंठाणसंठिया णाणाविहसरीरपोग्गलविउव्विया। ते जीवा कम्मोववण्णगा भवंति त्ति मक्खायं ॥ ७. अहावरं पुरक्खायं-इहेगइया सत्ता अज्झारोहजोणिया अज्झारोहसंभवा'
१. सं० पा०—सरीरं जाव सारूविकडं । २. सं० पा०-पवालाणं जाव बीयाणं। ३. सं० पा०—णाणागंधा जाव णाणाबिह: । ४. अज्झोरुह ° (क) सर्वत्र ।
५. सं० पा०--पुढविसरीरं जाव सारूविकडं। ६. सं० पा०—णाणावण्णा जाव मक्खाय । ७. सं० पा०-अज्झारोहसंभवा जाव कम्मणियाणणं ।
For Private & Personal Use Only
Jain Education International
www.jainelibrary.org
