Page Text
________________
सूपगडी २
कज्जति, तओ वि 'एगच्चाओ पडिविरया जावज्जीवाए" एगच्चाओ अप्पडिविरया ॥
७२. से जहाणामए समणोवासमा भवंति - अभिगयजीवाजीवा उवलद्ध पुण्णपावा आसव-संवर 'वेयण - णिज्जर- किरिय-अहिगरण - बंधमोक्ख- कुसला असहेज्जा' देवासुर-णाग - सुवण्ण जक्ख रक्खस किण्णर- किंपुरिस गरुल- गंधव्व - महोरगाइएहि देवगणेहिं णिग्गंथाओ पावयणाओ अणतिक्कमणिज्जा, 'इणमो णिम्यंथिए पावणे" णिस्संकिया णिक्कखिया निव्वितिगिच्छा' लट्ठा गहियट्ठा पुच्छियट्ठा विणिच्छियट्ठा अभिगयट्ठा अट्ठिमिजपे माणुरागरता' "अयमाउसो ! णिग्गंथे पावणे अट्ठे अयं परमट्ठे सेसे अणट्ठे " ऊसियफलिहा अवगुयदुवारा 'चियत्तंतेउर-परघरदारप्पवेसा" चा उद्दसमुद्दिद्वपुण्ण मासिणोसु पडिपुण्ण पोसहं सम्म अणुपालेमाणा समणे णिग्गंथे फासुएसणिज्जेणं असण- पाण- खाइम साइमेणं वत्थपडिग्ग्रह - कंवल- पायपुंछणेणं ओसह-भेसज्जेणं पीढ' - फलग - सेज्जासंथारएणं पडिला माणा बहूहि सीलव्वय-गुण- वेरमण-पच्चक्खाण-पोस होववासेहिं अहापरिग्गहिएहिं तवाकम्मेहि अप्पाणं भावेमाणा विहति ।। ७३. ते णं एयारूवेणं विहारेण विहरमाणा बहूई वासाइ समणोवासगपरियागं पाउणति, पाउणित्ता आबास उप्पण्णंसि वा अणुप्पण्णंसि वा बहूई भत्ताई पच्चक्खति, पच्चक्खित्ता बहूई भत्ताई अणसणाए छेदेति, छेदित्ता आलोइयपडिक्कता समाहिपत्ता कालमासे कालं किच्चा अण्णयरेसु देवलोएसु देवत्ताए उववत्तारो भवति, तं जहा - महड्डिएसु महज्जुइएसु" "महाप रक्कमेसु महाजसेसु
३६८
हब्बले महाणुभावेसु महासोक्खेसु ।
ते णं तत्थ देवा भवति - महड्डिया महज्जुइया महापरक्कमा महाजसा महब्बला महाणुभावा महासोक्खा हार -विराइय-वच्छा कडग- तुडिय-थंभिय-भुया अंगयकुंडल- मट्ठगंडयल - कण्णपीढधारी विचित्तहत्याभरणा विचित्तमाला-मउलिमउडा कल्लाणग-पवरवत्थपरिहिया कल्लाणग-पवरमल्लाणुलेवणधरा भासुर
१. x ( क, ख ) ; प्रत्योः मुद्रितप्रतिषु च नैष पाठो लभ्यते, किन्तु प्रकरणानुसारेणासौ युज्यते । वृत्तावसौ व्याख्यातास्ति । औपपातिके (सूत्र १६१ ) ऽप्यसौ लभ्यते । २. वेणानिज्जराकिरियाहिगरण ( ख ) | ३. असहेज्ज (क); असा हेज्जं ( ख ) | ४. निग्ये पावणे ( ओवाइय सू० १६२ ) | ५. गिव्वितिगिद्धा ( क ) 1
Jain Education International
(क, ख ) ;
६. अट्टिमिजाए ( ख ) | ७. अचियत्तंतेउरपरघरपत्रेसा अचियत्तंतेर ( वृ) ८. पाडिहारिएण य पीढ ( ओवाइय सू० १६२ ) । ६. अहापडि ० ( ख ) ।
o
१०. समाहिं ( क ) |
o
११. सं० पा० - महज्जुइएसु जाव महासोक्खे सु सेस तव एसट्टाने आरिए जाव एगत सम्मे ।
For Private & Personal Use Only
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |