Page Text
________________
सूयगडो २ ३८. पुवामेव तेसिं णायं भवइ-समणा भविस्सामो अणगारा अकिंचणा अपुत्ता
अपसू परदत्तभोइणो भिक्खुणो, पावं कम्म णो करिस्सामो समुट्ठाए। ते' अप्पणा अप्पडिविरया भवंति । सयमाइयंति, अण्णे वि आइयाति, अण्ण पि आइयंतं समणुजाणति । एवामेव ते इत्थिकामभोगेहि मुच्छिया गिद्धा गढिया अज्झोववण्णा लुद्धा रागदोसवसट्टा।। ते णो अप्पाणं समुच्छेदेंति, गो परं समुच्छेदेंति, गो अण्णाई पाणाई भूयाइ जीवाई सत्ताई समुच्छेदेति ! पहीणा पुव्वसंजोगा आरियं मग्गं असंपत्ताइति ते णो हव्वाए गो पाराए, अंतरा कामभोगेसु विसण्णा।
तच्चे पुरिसजाते ईसरकारणिए त्ति आहिए ।। णियतिवादि-पदं ३६. अहावरे चउत्थे पुरिसजाते णियतिवाइए ति आहिज्जइ -इह खलु पाईणं वा'
'पडीणं वा उदीणं वा दाहिणं वा संतेगइया मणुस्सा भवंति अणुपुश्वेणं लोगं उववण्णा, तं जहा-आरिया वेगे अणारिया वेगे, उच्चागोया वेगे णीयागोया वेगे, कायमंता वेगे हस्समंता वेगे, सुवण्णा वेगे दुवण्णा वेगे, सुरूवा वेगे दुरूवा वेगे । तेसिं च ण मणुयाणं एगे राया भवति - महाहिमवंत-मलय-मंदर-महिंदसारे
जाव' पसंतडिबडमरं रज्ज पसाहेमाणे विहरति ।। ४०. तस्स णं रण्णो परिसा भवति-उग्गा उग्गपुत्ता, भोगा भोगपुत्ता, इक्खागा
इक्खागपुत्ता, नागा नागपुत्ता, कोरव्वा कोरवपुत्ता, भट्टा भट्टपुत्ता, माहणा माहणपुत्ता, लेच्छई लेच्छइपुत्ता, पसत्था रो पसत्थपुत्ता, सेणावई सेणावइपुत्ता ।। तेसिं च णं एगइए सडो भवति । कामं तं समणा वा माहणा वा संपहारिंसु गमणाए । तत्थ अण्णतरेण धम्मेण पण्णत्तारो, वयं इमेण धम्मेण पण्णवइस्सामो। से एवमायाणह भयंतारो! जहा मे एस धम्मे • सयक्खाते सुपण्णत्ते भवति । इह खलु दुवे पुरिसा भवंति-एगे पुरिसे किरियमाइक्खइ, एगे पुरिसे णोकिरियमाइक्खई। जे य पुरिसे किरियमाइक्खइ, जे य पुरिसे गोकिरियमाइक्खइ, दो वि ते पुरिसा
तुल्ला एगट्ठा कारणमावण्णा ॥ ४२. बाले पुण एवं विप्पडिवेदेति कारणमावण्णे । अहमंसि दुक्खामि वा सोयामि वा ___'जरामि वा तिप्पामि वा पीडामि वा परितप्पामि वा", अहमेयमकासि ! परो
१. व्या० वि० आदी पच्छा' इति ४. एककारणापन्नत्वादिति (वृ)। अध्याहर्तव्यम् ।
५ तिप्पामि वा पीडामि वा परितप्पामि वा २. सं० पा०—पाईणं वा जाव सुयक्खाते। जूरामि वा (क, व); तप्पामि वा पीडामि वा ३. ओ० सू०१४1
परितप्पामि वा (चू)।
Jain Education International
For Private & Personal Use Only
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |