________________
पढमं अज्झयणं (सत्यपरिण्णा - सत्तमो उद्देसो)
१५१. अणगारा मोत्ति एगे पवयमाणा ।
१५२. जमिणं विरूवरूवेहिं सत्थेहि वाउकम्म-समारंभेणं वाउ-सत्थं समारंभमाणे अण्णे वगरूवे पाणे विहिंसति ॥
१५३. तत्थ खलु भगवया परिण्णा पवेइया ||
१५४. इमस्स चेव जीवियस्स, परिवंदण - माणण- पूयणाए, जाई- मरण-मोयणाए, दुक्ख पडिघायहेरं ।।
१५५. से सयमेव बाउ-सत्थं समारंभति, अण्णेहि वा वाउ- सत्यं समारंभावेति, अण्णे वा वाउ- सत्यं समारंभंते समणुजाणइ ||
१५६. तं से अहियाए, तं से अबोहीए ॥
१५७. से तं संबुज्झमाणे, आयाणीयं समुट्ठाए ।
१५८. सोच्चा भगवओ, अणगाराणं वा अंतिए इमेगेसि णायं भवइ - एस खलु गंथे, एस खलु मोहे, एस खलु मारे, एस खलु णिरए |
१५६. इच्चत्थं गढिए लोए ।।
१६०. जमिणं विरूवरूवेहिं सत्येहिं वाउकम्म-समारंभेणं वाउ- सत्थं समारंभमाणे अणे वगरूवे पाणे विहिंसति ॥
वाउकाइयाणं जीवत्त-वेदणाबोध-पदं
१६१. से बेमि - अप्पेगे अंधमब्भे, अप्पेगे अंधमच्छे | १६२. अप्पेगे पायमन्भे, अप्पेगे पायमच्छे' ॥
१६३. अप्पेगे संपमारए, अप्पे उद्दवए ।
१५
हिंसाविवेग-पदं
१६४. से बेमि - संति संपाइमा पाणा, आहच्च संपयंति य ॥ फरिसं च खलु पुट्ठा, एगे संघायमावज्जंति || जे तत्थ संघायमावज्जति, ते तत्थ परियावज्जंति,
जे तत्थ परियावज्जति, ते तत्थ उद्दायति ॥
१६५. एत्थ सत्थं समारंभमाणस्स इच्चेते आरंभा अपरिण्णाया भवंति ॥ १६६. एत्थ सत्थं असमारंभमाणस्स इच्चेते आरंभा परिण्णाया भवंति ॥
१६७ तं परिणाय मेहावी व सयं वाउ-सत्यं समारंभेज्जा, ठेवण्णेहिं वाउ- सत्थ समारंभावेज्जा, ठेवणे वाउ-सत्थं समारंभंते समणुजाणेज्जा |
१६८. जस्सेते वाउ- सत्य-समारंभा परिणाया भवंति से हु मुणी परिण्णाय - कम्मे त्ति बेभि ॥
१. द्रष्टव्यम् - ११५३ सूत्रस्य पादटिप्पणम् ।
Jain Education International
For Private & Personal Use Only
www.jainelibrary.org
